Donald Calthrop (* 11. April 1888 in London-Chelsea; † 15. Juli 1940 in Eton, Berkshire) weer en britischen Schauspeler.
Leven un Wark Calthrop weer de Enkel vun den irisch-amerikaanschen Dramtiker Dion Boucicault. Sien Loopbahn as Schauspeler füng 1906 mit dat Stück A Wire Entanglement an’t Comedy Theatre in London an. He hett dorna an verschedene Theaters in de Hööftstadt speelt, so as dat Theatre Royal Haymarket, woneem he Kummedierullen, aver ok klass’sche Rullen speelt hett. 1917 harr he groten Spood mit de musikaalschen Westend-Kummedie The Boy. 1923 is Calthrop as Manager an’t King’s Way Theatre gahn, woneem he tallrieke Stücken vun William Shakespeare opföhrt hett. 1926 weer he vör dree Maanden an’n Broadway in New York City in de Musikrevue The Merry World to sehnCalthrop in der Internet Broadway Database.
1916 hett Calthrop to’n eersten mol vör de Kamera stahn. An de Siet vun sien Unkel Dion Boucicault junior (1859–1929) speel he en Johr later in Masks and Faces. Noch en Johr later harr he de Titelrull in dat Historienepos Nelson vun Maurice Elvey. Vun de laten 1920er Johren an hett he regelmatig an Filmen mitarbeit.
De smalle Schauspeler weer goot teihn Johren lang op lege, undörsichtige Rullen fastleggt, Ünner annern hett em de junge Alfred Hitchcock in de eersten Johren vun’n Toonfilm insett. En annere wichtige Rull speel Calthrop in de Dickens-Verfilmen Scrooge vun Henry Edwards. He is in’t Öller vun 52 Johren an en Hartinfarkt doodbleven.
Filmrullen (Utwahl) Johr Titel Synchroonsnacker 1916 Altar Chains 1917 Masks and Faces 1918 Goodbye 1918 Nelson 1928 Shooting Stars 1929 Blackmaildt.: Erpressung 1930 Song of Soho 1930 Murder!dt.: Mord – Sir John greift ein 1930 Spanish Eyes 1932 Number Seventeendt.: Nummer siebzehn 1932 Rome Express 1933 Early to Bed 1933 Sorrell and Sondt.: Hauptmann Sorrell und sein Sohn 1934 Nine Forty-Five 1935 The Phantom Light 1935 Scrooge 1936 The Man Who Changed His Minddt.: Der Mann, der sein Gehirn austauschte Norbert Gescher 1937 Dreaming Lipsdt.: Träumende Augen 1941 Major Barbara
Literatur Kay Weniger: Das große Personenlexikon des Films, Band 1, S. 645 f., Berlin 2001
Borns
Weblenken
Kategorie:Schauspeler Kategorie:Börger von Grootbritannien Kategorie:Mann Kategorie:Boren 1888 Kategorie:Storven 1940