Bi de Merganettini hannelt sik dat um en Tribus vun de Halfgöse. De Zooloog Bradley C. Livezey hett 1986 to’n eersten Mol faststellt, datt de dree Geslechter unner’nanner verwandt sünd, ofschoonst se sik in dat Ütere bannig verscheelt. He is dorup kamen, wiel se in de Anatomie vun de Middelhand overeen stimmen doot. Liekers is dat nich seker, datt se to de Halfgöse to to reken sünd. Dat gifft ok Wetenschopslüde, de meent, se weern de Swemmaanten to to slahn.
De Blaue Aante is en Vagel, de bloß man in Neeseeland tohuse is. Se is anpasst an en Leven an Ströme, de man gau fleten doot. Bargbeekaanten leevt an Beeken in de Anden in Süüdamerika. De Bootaanten leevt an de See vor Süüdamerika siene Küsten. Se sünd de eenzigsten Aantenvagels, de hüdigendags leven doot, wo dat Aarden gifft, de dat Flegen verlehrt hefft.
Systematik thumb|Blaue Aante Geslecht Hymenolaimus Blaue Aant, Hymenolaimus malacorhynchus Geslecht Merganetta Bargbeekaant, Merganetta armata Geslecht Bootaanten, Tachyeres Magellan-Bootaant, Tachyeres pteneres Wittkopp-Bootaant, Tachyeres leucocephalus Falkland-Bootaant, Tachyeres brachypterus Langflunken-Bootaant, Tachyeres patachonicus
Kiek ok List vun Vagels
Kategorie:Merganettini