duum|Koornspieker in Badlsdörp Badlsdörp () is en Dörp in de Gemeen Scheeßl in’n Landkreis Rodenborg, Neddersassen.

Geografie

So annerthalv Kilometer in’n Noorden von’n Oort flütt de Veers lang, de bi Veersbrügg in de Wümm münnt. Dat Rebeed üm de Veers billt dat Naturschuulrebeed Veersdaal.

De Naveröörd sünd Scheeßl in’n Noorden, Westervees in’n Noordoosten, Deepen in’n Oosten, Brookel un Wensbrook in’n Süüdoosten, Heemsbünnen in’n Süden, Rodenborg in’n Süüdwesten, Wohlsdörp in’n Westen un Veersbrügg in’n Noordwesten.

Historie

In de Franzosentied von 1810 bet 1814 hett de Oort to de Mairie Rodenborg in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Scheeßl in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en, grötteren Landkreis Rodenborg tohoopgahn is.

De Oort is an’n 1. März 1974 Deel von de Gemeen Scheeßl worrn.

In’n Eersten Weltkrieg sünd 16 Soldaten ut Badlsdörp fullen oder vermissthttp://www.denkmalprojekt.org/dkm_deutschland/scheessel-bartelsdorf_ns.htm un in’n Tweten Weltkrieg 19.http://www.denkmalprojekt.org/2009/scheessel_kirche_wk1u2_ns.htm

Inwahnertall

Religion

Badlsdörp is evangeelsch-luthersch präägt un höört to dat Kaspel von de Lucas-Kark in Scheeßl.

För de Kathoolschen is de Corpus-Christi-Kark in Rodenborg tostännig.

Kultur

En Denkmaal för de Fullenen ut den Eersten Weltkrieg steiht in Badlsdörp op’n Karkhoff. Tafeln mit de Naams von de Fullenen ut’n Tweten Weltkrieg hängt in de Kark in Scheeßl.

Verenen

Badlsdörp hett en egene freewillige Füürwehr von 1934 un en Schüttenvereen, de an’n 11. März 1925 grünnt worrn is. De Sportvereen is 1932 grünnt worrn un de Dörpsvereen an’n 4. Juni 2002.

Weertschop un Infrastruktur

Verkehr

Dör Badlsdörp löppt de Kreisstraat 211, de in’n Oosten över Westervees un Oostervees na Fintel geiht un in’n Westen över Wohlsdörp an de Bundsstraten 71 un 75 ran. Von de K 211 geiht na Süüdoosten de K 224 na Brookel n de B 71 ran af.

De nächste Autobahn is de Autobahn 1. De Opfohrt 48 Elsdörp liggt so 18 Kilometer in’n Noordwesten von Badlsdörp.

De nächste Bahnhoff is so bi söven Kilometer wied weg in’n Noorden de Bahnhoff Scheeßl an de Bahnlien Hamborg–Bremen.

Lüüd

De Politiker Hinrich Brunckhorst is 1903 in Badlsdörp boren.

Literatur

Bartelsdorfer Dörpschronik. Bänn A, B, C (2006–2014)

Footnoten

Weblenken

Kategorie:Oort Kategorie:Landkreis Rodenborg (Wümm)