Theodor Strünck (* 7. April 1895 in Pries; † 9. April 1945 in dat KZ Flossenbürg) weer en düütsch Jurist un Wedderstandskämper vun den 20. Juli 1944.
Leven Theodor Strünck studeer Rechtswetenschapen un hett 1924 sien Doktertitel an de Universität Rostock maakt.Kiek dorto ok den Indrag vun de Immatrikulatschoon vun Theodor Strünck in dat Rostocker Matrikelportal Ansluutend hett he as Afkaat in de Versekerungswertschap, arbeit, gegen Enn’ as Versekerungsdirekter. Anfangs sympathiseer he mit de Natschonalsozialisten, gung denn aber nah de „Machtgriepen“ wegen de immer minner wurrn Rechtsstaatlichkeit in Oppositschoon to dat Regime.
1937 wurr de Hauptmann der Reserve intrucken un in’ Amt Utland/Afwehr vun dat Böverkommando vun de Wehrmacht ünner Hans Oster insett. He harr engen Kuntakt to Carl Goerdeler un hett Tosommenkünfte vun de Wedderständler in sien Wahnen organiseert.
Theodor Strünck wurr nah dem Anslag vun'n 20. Juli 1944 an’ 1. August tosommen mit sien Fru Elisabeth verhaft. An’ 24. August wurr he dör den an’ 2. August 1944 bild „Ehrenhoff“ ut de Wehrmacht unehrenhaft utstött, so dat dat Riekskriegsgericht för dat Afoordeelen nich mehr tostännig weer, un an’ 10. Oktober 1944 vun den „Volksgerichtshoff“ ünner den Präsidenten Roland Freisler to’n Dood veroordeelt wurr. Later hett man hüm in dat Konzentratschonslager Flossenbürg överführt, wo he an’ 9. April 1945 gemeensam mit Dietrich Bonhoeffer, Wilhelm Canaris, Ludwig Gehre, Hans Oster un Karl Sack uphangen wurrn is.
Erinnerung Dicht bi de Henrichtensstäe Plötzensee in Berlin-Charlottenburg wurr de Strünckweg nah hüm nömmt.
Kiek ok bi List vun de Lüde vun’n 20. Juli 1944
Weblenken Körtbiografie mit Bild bi de Evangeelsch Karkengemeend Charlottenburg-Nord Körtbiografie vun de Gedenkstäe Düütsch Wedderstand
Enkeld Nahwiesen
Kategorie:Mann Kategorie:Börger von Düütschland Kategorie:Jurist Kategorie:Düütsch Wedderstand Kategorie:Boren 1895 Kategorie:Storven 1945