There’s Something About Mary (op plattdüütsch so veel as „Dor is wat üm Mary“; dt. Titel: Verrückt nach Mary) is de Titel vun en US-amerikaansche Filmkummedie ut dat Johr 1998 vun de Speelbasen Peter un Bobby Farrelly. De Hööftrullen hebbt Cameron Diaz, Ben Stiller un Matt Dillon speelt.
De Film harr in de USA groten Spood. He hett bi Produkschoonskosten vun ruchweg 23 Millionen US-Dollars alltohopen üm un bi 176 Millionen US-Dollar inspeelt. Dormit is dat de drüttspoodriekste Film vun dat Johr 1998 worrnThere’s Something About Mary bi Box Office Mojo (afropen an’n 26. Mai 2011) .
Inholt Ted weer in sien jungen Johren nich jüst de schönste Jung in de School un harr dat mit de Deerns nich licht. Man, jüst he hett dat dör sien go’en Charakter henkregen, dat sik de wunnerschöne Mary Jensen för em intresseert un em to’n Afslussball vun de School mitnimmt. Man, dat eerste Rendezvous geht woortwöörtlich in de Büx, as he sik op Klo den Pint inklemmt un för alle Lüüd in de Naverschop bloot stellt warrt. Kort later tütt Mary mit ehr Familie weg un Ted verlütt ehr ut de Ogen. Dörteihn Johren later hett he jümmer noch so dull mit sien Geföhlen to kriegen, dat he meist verrückt warrt. Üm Mary wedder to finnen, beopdragt he den snaakschen Privatdetektiv Pat Healy.
Wohrhaftig kann de Detektiv Mary in Miami utfinnig maken, is vun de hübschen Fro aver so andoon, dat he sik sülvst in ehr verkieken deit. Ted vertellt he en poor Lögen, üm em dat Intresse an Mary uttodrieven. Dat klappt aver nich, Ted sien Geföhlen sünd to stark. Man, de beiden sünd nich de eenzigen, de wat vun Mary wöölt. Butendem gifft dat noch den Pizzabaad Norman, de sik as Architekt mit Krücken utgifft, vunwegen dat he Mary dormit anspreken kann. Op vergliekbore Oort hett sik ok Pat an Mary ran maakt. Norman finnt gau rut, dat Pat ok blots en Swinnler is un Mary hebben will. So maakt he em bi Mary slecht un lett sien Geschicht opflegen.
Man, vun en fröheren Schoolkolleeg warrt Ted gewohr, dat Mary jümmer noch so sööt is as fröher. He maakt sik dorophen sülvst op’n Weg na Miami un dröpt er dor ok. Wohrhaftig mag Mary em jümmer noch geern un se kamt sik gau neger. Denn aver kriggt Mary en Breef ahn Afsenner tosteken, wo binnen steiht, dat Ted den Detektiv Pat op ehr ansett hett. Den Breef hett Ted sien Fründ Dom schreven, de fröher op’t College mit Mary tosamen weer un sülvst nich vun ehr aflaten kann. Vun wegen dat he dormols to forsch un opdringlich weer, hett Mary em in de Wööst schickt. Opletzt duukt ok noch de Football-Star Brett Favre op, de fröher mit Mary verlövt weer.
Opletzt seggt Ted ehr to, dat he ehr nich wieter nalopen warrt. Sien eenzigen Wunsch is, dat se tofreden un blied warrt, un verafscheedt sik vun ehr. Se geiht em na un röpt em achteran, dat se mit em an’n bliedsten warrn de. So kamt se an’t Enn doch noch tosamen.
Kritiken Dat Lexikon vun’n internatschonalen Film betekent den Film as ‚postmoderne‘ romantische Kummedie, de tyypsche Komik-Situatschonen op bannig taktlose Oort un Wies extrem op de Spitz drifft un sik dorbi ok nich to schaad is, op zynsche Spijöken op Kosten vun Minnerheiten torüch to griepenKritik to’n Film in’t Lexikon vun’n internatschonalen Film.
Utteken De Film weer teemlich spoodriek. Alltohopen weer he för 33 Filmpriesen vörslahn, dorünner tweemol för den Golden Globe. Wunnen hett de Film 18 Filmpriesen, dorünner: 1998: den NYFCC Award in de Kategorie 'Best Dorstellerin för Cameron Diaz 1998: den Bogey Award 1999: den MTV Movie Award in de Kategorie Best Film 1999: den MTV Movie Award in de Kategorie Best lege Kerl för Matt Dillon 1999: den MTV Movie Award in de Kategorie Best Kamp för Ben Stiller 1999: den MTV Movie Award in de Kategorie Best Dorstellersche för Cameron Diaz 1999: den Blockbuster Entertainment Award in de Kategorie Beste Hööftdorstellersche – Kummedie för Cameron Diaz 1999: den Blockbuster Entertainment Award in de Kategorie Beste Nevendorsteller – Kummedie för Matt Dillon 1999: den ASCAP Award in de Kategorie Top Box Office Films för Jonathan Richman 1999: den American Comedy Award in de Kategorie Lustigste Hööftdrostellerin in en Speelfilm för Cameron Diaz 1999: de Golden Lienwand''
Borns
Weblenken
Kritiken to’n Film op Rotten Tomatoes
Kategorie:Film Kategorie:Film ut dat Johr 1998 Kategorie:USA Kategorie:Filmkummedie