duum|De ole Latienschool 2007 De Latienschool Oterndörp weer en Latienschool in Oterndörp för de Börgers ut de Maschen von dat Land Hadeln.
Historie
Dat eerste Schoolgebüüd hett al 1445 stahn. Dat Land Hadeln hett as Exklaav to dat Hertogdom Sassen-Loonborg höört. Dat Hertogdom weer aver wied weg un dorüm weer för de Scholen in Hadeln alleen de Kark tostännig.
Dat hüdige Gebüüd von de Latienschool is 1614 as Fackwarkhuus in Rähmbowies boot worrn. Dat Gebüüd is von’n Klassizismus präägt. Dat drüdde Stockwark is eerst tokamen, as 1846 nich mehr noog Platz weer. De School harr vörher jümmer dree Klassen, wat nu aver nich mehr recken dee.
De Oort von de School hett sik 1829 to Progymnasium ännert, 1852 to Högere Börgerschool un 1882 to Realprogymnasium.http://m-v-m.de/wp-content/uploads/heimatblaetter/Heimatblatt_MvM_2007_03.pdf
1869 harr de School 8 Schoolmeesters un 95 Schölers in 6 Klassen.Ludwig Adolf Wiese: Das höhere Schulwesen in Preussen: historisch-statistische Darstellung. Sied 396f
As de Schölertall wieder wassen dee, hett de Kark 1891 ehr Rechten as Schooldreger an’n Staat afgeven un dat Gebüüd denn för annere Saken bruukt. De School is 1892 in en Neebo tagen. Ok dat Enn von de Haadler Stänn 1885 hett dor mit to bidragen. De Ünnerricht in de olen Spraken weer al siet 1829 weniger worrn un nadem de Staat de School övernahmen hett, is dor 1893 en Realschool von worrn. 1928 hett düsse Realschool den Naam Johann-Heinrich-Voß-School kregen. De Traditschoon von de Latienschool warrt also nich dör dat Gymnasium Oterndörp foortsett, man dör de Realschool Oterndörp.
In’n Dackrieder hett fröher en Klock hungen, de aver verloren gahn is. Vondaag is in dat Gebüüd dat Karkenbüro ünnerbrocht.
Rekters
Dat Rekterhuus stünn in de hüdige Johann-Heinrich-Voß-Straat 8.
1615–1642: Hinrich Schult 1642–1653: Johann Schröder 1653–1662: Chr. Quirinus Hallbauer 1662–1663: Nicolaus Röper 1664–1668: Georg Jonas Tonsor 1669–1691: Bernhard Sievers 1691–1694: Johann Peter Grünenberg 1694–1721: Johann Valentin Großgebauer 1721–1728: Johann Philipp Thorborg 1728–1740: Johannes Höpfner 1740–1743: Nic. Chr. Brummerstäde 1743–1749: Gustav Eichfeld 1750–1754: Johann Martin Müller 1754–1774: ? 1774–1778: Johann Christian Meier 1778–1782: Johann Heinrich Voss 1782–1794: Carl Heinrich Ruhkopf 1794–1797: Johann Friedrich Dammann 1797–1800: nüms 1800–1807: Johann Jakob Meno Valett –1826: Christoph Wilhelm Götze 1827–1832: Adalbert Herrmann 1834–1845: Heinrich Theodor Emanuel Schröder 1846–1856: Gustav Julius Vennigerholz 1856–1885: Ferdinand Vollbrecht 1885–1906: Ludwig Kükelhan
Schölers
Carsten Niebuhr Christoph Meiners
Literatur
Ludwig Hardekopf: Untersuchungen zur Geschichte der alten Lateinschule in Otterndorf (Land Hadeln), unter besonderer Würdigung ihrer gesellschaftspolitischen Aufgaben in der Berufsvorbildung. 1960
Footnoten
Kategorie:School Kategorie:Landkreis Cuxhoben Kategorie:Gifft dat nich mehr