Wolfburn is en Whisky-Brenneree in Thurso, Caithness, Schottland.
Historie De oorsprüngliche Wolfburn-Destille is in’t Johr 1821 vun William Smith & Co. grünnt worrn un is jümmer in Besitt vun de Familie Smith bleven. De Produkschoon is in de 1850er Johren instellt worrn, man wanneer nipp un nau, is vundaag nich mehr kloor. 1872 weer de Brenneree blots noch as Ruin in Koorten vertekentRoyal Commission on the Ancient and Historical Monuments of Scotland. Wat de Grund weer, de Destille dicht to maken, is nich bekannt. In’t Johr 1826 schall Wolfburn 28.056 Gallonen ‚Total Gallons of Proof Spirit‘ herstellt hebben, womit se de gröttste Produkschoonssteed to de dormoligen Tiet weerHouse of Commons Papers, Band 34.
De Plaan, in de Neeg vun de ollen Steed en ne’e Destille to boen, is 2011 tostannen kamen. De Destillatschoon is in’n Januar 2013 anlopenWhiskyIntelligenceJohn O’Groat Journal .
Produkschoon De Wolfburn-Brenneree tellt to dat schottische Whiskyrebeet Highlands. Dat Water för de Produkschoon nimmt se ut’n Wolf Burn, wovun ok de Naam vun de Destille afleidt is. Eerstmol schall för de Produkschoon blots Molt ahn Törf bruukt warrn.
In de Brenneree gifft dat dree Gäärfatten (wash backs) ut Eddelstahl to 9.000 l, de fröher bi Caperdonich bedreven worrn sündRebuilding Wolfburn. Brennt warrt in en Groffbrennblaas (wash still) vun 5.550 l un en Fienbrennblaas (spirit still) vun 3.600 l.
Kiek ok List vun de schottischen Brennereen
Literatur Ingvar Ronde: Malt Whisky Yearbook 2014. Mag Dig Media, Shrewsbury 2013, ISBN 978-0-9576553-0-0
Borns
Kategorie:Whiskybrenneree Kategorie:Whiskymarke Kategorie:Schottland