John Meredyth Lucas (* 1. Mai 1919; † 19. Oktober 2002 in Newport Beach, Kalifornien, USA) weer en US-amerikaanschen Dreihbookschriever, Filmspeelbaas un Filmproduzent.
Leven un Wark John Lucas weer de Söhn vun de Schrieversche Bess Meredyth un vun den Filmmaker Wilfred Lucas. Sien Öllern hebbt sik 1927 scheden laten, man sien Mudder hett noch mol heiraat, neemlich den bekannten Speelbaas Michael Curtiz. Lucas hett verschedene Militärscholen besöcht un füng dorna an, Dreihböker to schrieven, ünner annern för de Feernsehregen Ben Casey, Star Trek, The Fugitive, Mannix, Kojak un annere. Bi eenige vun de Feernsehregen hett he ok de een oder annere Episood as Speelbaas in sien Verantwoorten hatt.
In’t Öller vun 83 Johren is Lucas 2002 an Leukämie dootbleven. Mit George Lucas weer he nich verwandt.
Filmografie (Utwahl) Johr Titel Funkschoon 1950 Dark Citydt.: Stadt im Dunkel Dreihbook 1951 Peking Expressdt.: Peking-Express Dreihbook 1952 Captain Piratedt.: Die schwarze Isabell Dreihbook 1953 Tumbleweeddt.: Drei waren Verräter Dreihbook 1954-55 Medic, Feernsehreeg DreihbookSpeelbaas 1957-58 Zorro, Feernsehreeg DreihbookSpeelbaas 1958 The Sign of Zorrodt.: Zorro räumt auf Dreihbook 1961 Whiplash, Feernsehreeg ProduzentSpeelbaas 1964-66 Ben Casey, Feernsehreeg ProduzentSpeelbaasDreihbook 1966-67 The Fugitive, Feernsehreegdt.: Auf der Flucht ProduzentDreihbookSpeelbaas 1966-68 Star Trek, Feernsehreegdt.: Raumschiff Enterprise ProduzentDreihbookSpeelbaas 1967-72 Mannix, Feernsehreeg SpeelbaasDreihbook 1965-82 Insight, Feernsehreegdt.: Nachdenkliche Geschichten ProduzentDreihbookSpeelbaas 1974 Inferno in Paradise Dreihbook 1976-78 The Six Million Dollar Man, Feernsehreegdt.: Der sechs Millionen Dollar Mann Dreihbook 1984 Yeshua DreihbookCo-Speelbaas
Filmpriesen Lucas weer in sien Loopbahn tweemol för Priesen nomineert, vun de he aver keen wunnen hett. Beide Vörslääg weern för den Emmy för sien Arbeit an de Feernsehreeg Insight.
Weblenken
Kategorie:Mann Kategorie:Börger von de USA Kategorie:Speelbaas Kategorie:Dreihbookschriever Kategorie:Filmproduzent Kategorie:Boren 1919 Kategorie:Storven 2002