Dat Lehrerseminar Stood hett von 1789 bet in de Johren 1920 bestahn. Dor sünd Schoolmeesters för de Volksschool utbillt worrn. Dat Seminar weer vör 1890 an de Seminarstraat in Stood un na 1890 an de Harsfeller Straat.
Historie
Dat Seminar is 1789 op private Initiative von de Kunsistorialrääd Albrecht Anton Watermeyer (31. Mai 1737-2. Februar 1809) un Georg Alexander Ruperti grünnt worrn. Von 1815 af an hett dat von de Regeren Geld toschaten kregen. Dat Seminar is 1822 denn ganz von de Regeren von dat Königriek Hannover övernahmen worrn un weer denn en königlich hannöversch Lehrerseminar. Dat weer tostännig för de Hertogdömer Bremen un Veern un dat Land Hadeln.
De Schoolmeesters sünd dree Johr lang an dat Seminar utbillt worrn, nadem se vörher ok al dree Johr op de Präparandenanstalt weren.
An’n 27. Oktober 1890 is dat Seminar utsiedelt ut de Stadt an de Harsfeller Straat. Dat ne’e Gebüüd weer ut Backsteen un harr en Middeltrakt mit dree Etaaschen. De twee Flögels an de Sieden harrn twee Etaaschen. Dat Seminar harr Platz för üm un bi 90 Seminaristen, von de 30 direkt in dat Seminar ünnerbröcht weren.Dettert/Ballenstedt: Architektur 1900. Sondereinrichtungen Schulen, Hochschulen, Fachschulen Kasernen. Band 2, Sied 296 Dat Seminar harr ok en Övungsschool mit söven Klassen. Düsse Övungsschool hett dat siet 1833 geven.
Nadem Prüßen beslaten hett, dat de Schoolmeesters in Tokumst an Pädagoogsche Akademien utbillt warrn schöölt, hett dat Seminar in de Johren 1920 dichtmaakt. In dat Gebüüd von dat Seminar is 1929 denn dat Athenaeum intagen.
De Doovstummenanstalt in Stood, de von 1857 bet 1932 bestahn hett, hett von 1857 bet 1870 bi dat Seminar bihöört.
Lüüd
Schölers: Heinrich Otto Reddersen Johann Jakob Hoops Johannes Trüper Wilhelm Nack Heinrich Schriefer Johann Dietrich Plate Johann Ganten Ludwig Alpers Ferdinand Alpers Karl Waller Klaus Köster Bernhard Ahlers 1892-1895: Hinrich Zahrenhusen 1898-1902: Hinnerk Braasch 1899-1902: Louis Biester Heinrich Behnken Heinz Dodenhoff 1912-: Willi Wegewitz 1920-1923: Karl Dönselmann -1925: Harry Garms
Meesters: Albert Lemmermann Klaus Schröder Fritz Köhne
Seminarinspekters/Seminardirekters
1815–1838: Johann Georg Schilling –1851: Ernst Ludwig Cammann 1851–1859: Friedrich Eickenrodt 1859–1869: Schmidt 1. Juni 1869–1874: G. W. Flügge 1874–1885: Carl Diercke 1885–1893: Ludwig Dietrich Jüngling 1893–1897: Hermann Ludwig Schlemmer 1898–1902: Schulz 1902–1919: Kramm
Footnoten
Kategorie:Lehrerseminar Kategorie:Landkreis Stood Kategorie:Gifft dat nich mehr