duum|Amtsgericht Rodenborg Dat Amtsgericht Rodenborg is een von de teihn Amtsgerichten in’n Landgerichtsbezirk Veern. Dat hett sien Seet in dat Gebüüd an’n Peermarkt in Rodenborg (Landkreis Rodenborg).
Överornt Gerichten
Dat Amtsgericht Rodenborg sünd in’n Instanzentog dat Landgericht Veern, dat Oberlandsgericht Celle un de Bundsgerichtshoff in Karlsruhe överornt.
Den Gerichtsbezirk billt de fröhere Landkreis Rodenborg (ahn den olen Landkreis Bremervöör).
He grenzt in’n Noorden an den Bezirk von dat Amtsgericht Zeven, in’n Noordoosten an den von dat Amtsgericht Töst, in’n Süüdoosten an den von dat Amtsgericht Soltau, in’n Süden an den von dat Amtsgericht Wasra, in’n Süüdwesten an den von dat Amtsgericht Veern un in’n Westen an den von dat Amtsgericht Achem.
Siet 2005 is dat Amtsgericht Wasra för dat Hannels-, Genossenschafts- un Vereensregister in’n kumpletten Landgerichtsbezirk Veern tostännig. Dat Partnerschopsregister warrt siet 1. August 2005 zentraal bi dat Amtsgericht Hannover föhrt. För Insolvenzverfohren is dat Amtsgericht Wasra tostännig.
Geschicht
Mit dat hannöversche Gerichtsverfatensgesett von’n 8. November 1850, dat an’n 1. Oktober 1852 in Kraft gahn is, sünd Verwaltung un Justiz kumplett trennt worrn un de Amtsgerichten sünd as ünnerst Gerichten inricht worrn. Dat Amtsgericht Rodenborg is dor denn blangen dat Amt Rodenborg nee schapen worrn. De Grenzen von Amt un Amtsgerichtsbezirk weren desülven. Dat Amtsgericht Rodenborg weer ünner dat Obergericht Veern stellt, dat 1879 in dat Landgericht Veern övergahn is.
Amtsrichters/Präsidenten
~1858: Georg Justus Julius Hesse 1997-2011: Arnd Bosse 2011-: Joachim Kost
Kiek ook bi
List von de Amtsgerichten in dat Königriek Hannover
Weblenken
Websteed von dat Amtsgericht Rodenborg (hoochdüütsch) Översicht över de Rechtsspröök von dat Amtsgericht Rodenborg (hoochdüütsch
Kategorie:Amtsgericht Kategorie:Landkreis Rodenborg (Wümm) Kategorie:Gifft dat nich mehr