205P/Giacobini is en kortperioodschen Komeet.
De Komeet is an’n 10. September 2008 vun twee japaanschen Amateurastronomen opdeckt worrn, de em toeerst för en ne’en Komeet hollen hebbt. Man, as de Bahn beter utrekent weer, hett sik rutstell, dat sik dat üm en Komeet hannelt, de al 1896 vun Michel Giacobini opdeckt worrn is un 1897 toletzt beobacht weer. De Ümlooptiet liggt twüschen söss un söven Johr, man dorna is he nich wedder sehn worrn.
Bi’t Opdecken 2008 weer de Komeet wohrschienlich wat heller, vunwegen dat sik twee Stücken vun den Hööftkarn aflöst harrn un de Flachen vun’t frische Ies beter schienen deen.
Kiek ok List vun de Komeeten
Weblenken Bericht to’t Wedderopdecken (engelsch) Bild vun’n 21. September 2008
Kategorie:Komeet