Gott, westföölsch ook Guott, is in de monotheistischen Religionen (Christendom, Jödendom, Islam) de, de Welt un de Minschen maakt hett. Annere Religionen hebbt mehr as een Gott, so to’n Bispeel de Hinduismus.
Jöödsche Sicht In’t Jödendom is Gott de, de de Welt maakt hett un ok de, de dat jöödsche Volk annahmen hett un em en Opdrag geven hett, sien Volk to ween, dat sien Gesett bewohrt un höllt.
Christliche Sicht In’t Christendom is Gott een Dreeeinigkeit ut den Vader, den Söhn un den hilligen Geist. De christlichen Theologen köönt nich nipp un nau seggen, woans dat funkscheneert. Se hebbt aber in ehr Bibel Textsteden funnen, de jüm dorto bröcht hett, to glöven, dat dat so is. Na de christliche Lehr is en Minsch dör den Gloven an Jesus Christus Gott sien Kind un Gott is den Minschen sien Vader.
Islaamsche Sicht In’n Islam is Gott de, de de Welt maakt hett un de de Minschen an’n jüngsten Dag vör Gericht stellt. Vun’n Dreeenigkeit wullt de Muslimen nix weten.
Weblenken
Religionen weltwied: The Big Religion Chart. In: ReligionFacts.com. 21. November 2016 (engelsch) 19. Dezember 2012 (engelsch).
Nawiese
Kategorie:Religion