duum|Naveen Andrews (2006) Naveen William Sidney Andrews (* 17. Januar 1969 in London) is en britischen Schauspeler. Bekannt worrn is he vör allen dör sien Rullen in The English Patient un de Feernsehreeg Lost.
Leven un Wark Andrews is vun indische Afstammen un is in London opwossen. Wiel sien Schooltiet harr he wat mit sien Schoolmeestersche för Mathematik. Ut disse Verbinnen stammt sien eersten Söhn. Na de School hett he de Guildhall School of Music and Drama besöcht, wodör he 1991 sien eerste Rull in den Film London Kills Me kregen hett. Anfang vun de 1990er Johren harr Andrews Lasten ünner Alkhol- un Heroinsucht. He müss sien Filmloopbahn ünnerbreken un is to’n Rehabilitatschoon in de USA gahn. Sien internatschonalen Dörbrook haar he mit den Film The English Patient. De längste Tiet vun sien Loopbahn weer bit hüüt prägt dör de Mystery-Reeg Lost, in de he vun 2004 bit 2010 speelt hett.
Andrews weer bit Enn 2009 mit de Schauspelersche Barbara Hershey tosamen. Se harrn sik 1999 drapen bi de Dreiharbeiten to Drowning on Dry Land. 2005 weern se en Tiet lang ut’nanner. Ut de Tiet is Andrews sien tweeten Söhn, de he mit de Tschechin Elena Eustache hett, de intwüschen ok as Schauspelersche arbeit.
Filmografie (Utwahl) Johr Titel Synchroonsnacker 1991 London Kills Medt.: London schafft alle 1992 Wild West 1993 The Buddha of Suburbia, Feernseh-Minireeg 1996 Kama Sutra: A Tale of Lovedt.: Kama Sutra – Die Kunst der Liebe Leon Boden 1996 The English Patientdt.: Der englische Patient 1997 True Love and Chaos 1998 Bombay Boys 1999 Drowning on Dry Land 2000 Blessed Art Thou 2002 Rollerball 2003 Easy 2004 Bride & Prejudicedt.: Liebe lieber indisch Frank Schaff 2006 Provoked: A True Story 2007 Planet Terror Peter Flechtner 2007 The Brave Onedt.: Die Fremde in Dir Marcus Off 2008 Animals 2004-10 Lost, Feernsehreeg Tayfun Bademsoy 2013 Diana Claus-Peter Damitz 2013-14 Once Upon a Time in Wonderland, Feernsehreeg Claus-Peter Damitz 2015-18 Sense8, Feernsehreeg Frank Schaff
Utteken Bit hüüt (Dezember 2014) weer Andrews sövenmol för Filmpriesen nomineert, dorünner ok eenmol för den Golden Globe för sien Speel in Lost. Uttekent worrn is he eerst eenmol. Dat weer 2006 mit den Screen Actors Guild Award tosamen mit sien Kollegen för’t beste Ensemble in en Dramareeg.
Weblenken
Kategorie:Schauspeler Kategorie:Börger von Grootbritannien Kategorie:Mann Kategorie:Boren 1969