Blair Athol is en Whiskybrenneree in Pitlochry, Perthshire, Schottland. De Bowarken vun de Brenneree sünd in de schottischen Denkmollisten in de Kategorie B inordentIndrag in de schottischen Denkmollisten. Dat Huus vun’n Brennereedirekter steiht in de Kategorie C(S)Indrag in de schottischen Denkmollisten.
Historie Grünnt weer de Brenneree in’t Johr 1798 vun John Stewart un Robert Robertson ünner den Naam Aldour Distillery. De Naam weer afleidt vun den Beek Allt Dour dicht bi. 1825 is de Destille dör James Robertson vergröttert worrn. He geev ehr denn ok den Naam Blair Athol. 1882 is de Brenneree an Peter Mackanzie verköfft worrn.
1932 weer de Destille dicht maakt, dat Johr dorop is se vun Arthur Bell & Sons Ltd. opköfft worrn, wat vundaag en Dochterünnernehmen vun Diageo is. Eerst 1949 is de Brenneree renoveert un wedder apen maakt worrn. 1973 weer de Anlaag vun twee op veer Brennblasen vergröttert. In’t Johr 1987 is en Besökerzentrum boet worrn, dat in’t Johr vun ruchweg 30.000 Lüüd besöcht wart.
Produkschoon De Brenneree Blair Athol höört to dat Whiskyrebeet Highlands. Dat Water för de Produkschoon kummt ut den Allt Dour Burn (heet so veel as „Otterbeek“). Dat Molt warrt nich in de Brenneree sülvst maakt, man vun de Glen Ord Maltings betogen. In de Brenneree gifft dat en Meeschfatt vun 8 Tunnen un acht Gäärfatten to 40.000 l beids ut Eddelstahl. Brennt warrt in twee Wash stills to 13.000 l un twee Spirit stills to 11.500 l, de mit Damp hitt maakt warrt.
duum|Bell’s Fatt vör de Destille in Pitlochry De fardige Whisky warrt to ruchweg 90 % an Bell’s verköfft, de em to’n Herstellen vun sien Blend-Whisky bruken deit. Lütte Mengden gifft dat aver ok as Single Malt to köpenMisako Udo: The complete and ultimate Guide to Scottish Whisky Distilleries. Black & White, Edinburgh 2006, ISBN 1-845-02130-4, Siet 84..
Kiek ok List vun de schottischen Brennereen
Literatur Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3. Walter Schobert: Das Whiskylexikon. Fischer Taschenbuch Verlag, Frankfort an’n Main 2003, ISBN 978-3-596-15868-3.
Borns
Weblenken
Kategorie:Whiskybrenneree Kategorie:Whiskymarke Kategorie:Schottland