De Football-Bundsliga is de hööchste Liga in’n düütschen Football.
De Düütsche Football-Bund (DFB) harr an’n 28. Juli 1962 in’e Westfalenhallen in Düörpm beslaten vun de Saison 1963/1964 an den düütschen Footballmeester in’t Ligasystem ruttofinnen. Elk Vereen in’e Liga speelt in twee Spelen gegen jeden annern Vereen vun de Eerste Liga. De Mannschop mit de mehrsten Punkten ut de Spelen warrt de düütsche Meester. De dree Verenen op de letzten Plätz mööt dat nächste Johr in de twete Bundsliga spelen, de dree besten ut de twete Liga stiggt in de eerste op. De twete Liga gifft dat siet 1974. Se weer bet 1981 un na de Düütsche Weddervereenigung in de Saison 1991/1992 in ene twete Liga Noord un ene twete Liga Süüd trennt.
To de Saison 2008/09 hett man denn ok noch en 3. Liga inföhrt. In disse Saison gifft dat denn ok nich mehr automatsch 3 Afstiegers, sonnern de dartschlechteste Mannschap vun de Eerste Liga moot tegen de dartbesten ut de Tweete Liga noch in de Relegatschon.
De Bundsliga stünn bet 2001 ünner Leid vun’n Düütschen Football-Bund, denn övernehm de Düütsche Football-Liga (DFL) dat Leid.
Verenen bi dat Grünnen vun de Liga Ut de Oberliga Noord: Eintracht Bruunswiek, Werder Bremen, Hamborger SV Ut de Oberliga West: Borussia Düörpm, 1. FC Köln, Meidericher SV (hüüt MSV Duisburg), Preußen Mönster, FC Schalke 04 Ut de Oberliga Süüdwest: 1. FC Kaiserslautern, 1. FC Saarbrücken Ut de Oberliga Süüd: Eintracht Frankfort, Karlsruher SC, 1. FC Nürnbarg, TSV 1860 München, VfB Stuttgart Ut de Stadtliga Berlin: Hertha BSC Berlin
aktuelle Verenen (2025/2026)
Bayern München, Bayer 04 Leverkusen, Eintracht Frankfort, Borussia Düörpm, SC Freeborg, Mainz 05, RB Leipzig, Werder Bremen, VfB Stuttgart, Borussia Mönchengladbach, VfL Wulfsborg, FC Augsburg, FC Union Berlin, FC St. Pauli, TSG 1899 Hoffenheim, FC Heidenheim, 1. FC Köln, Hamborger SV
Meesters
FC Bayern München 26 (1969, 1972, 1973, 1974, 1980, 1981, 1985, 1986, 1987, 1989, 1990, 1994, 1997, 1999, 2000, 2001, 2003, 2005, 2006, 2008, 2010, 2013, 2014, 2015, 2016, 2017, 2018, 2019, 2020, 2021, 2022, 2023, 2025) Borussia Mönchengladbach 5 (1970, 1971, 1975, 1976, 1977) Borussia Düörpm 5 (1995, 1996, 2002, 2011, 2012) Werder Bremen 4 (1965, 1988, 1993, 2004) Hamborger SV 3 (1979, 1982, 1983) VfB Stuttgart 3 (1984, 1992, 2007) 1. FC Kaiserslautern 2 (1991, 1998) 1. FC Köln 2 (1964, 1978) 1. FC Nürnbarg 1 (1968) Eintracht Bruunswiek 1 (1967) TSV 1860 München 1 (1966) VfL Wulfsborg 1 (2009) Bayer 04 Leverkusen 1 (2024)
Kiek ok bi Football-Bundsliga 2011/2012
Kategorie:Sport