De Bülter See is en Hoogmoorsee, de so wat twee Kilometer in’n Noordoosten von Heerst in de Gemeen Beverst in’n Landkreis Cuxhoben, Neddersassen, liggt.
Dat is en dystrophen See in en Moorrebeed, dat siet 1982 ünner Naturschuul steiht (Bülter See un Randmooren). De See is kumplett von Hoogmoor ümgeven.
De Övers sünd siede Rebeden, de halv verlannt sünd, blots in’n Noorden un Oosten gifft dat en Steilöver, dat bet 1,5 Meter hoog ween kann. De Rohr hett ehren Born en Stück in’n Noordoosten von’n Bülter See. In’n Westen löppt dat Water ut dat Moor över den Stinster Beek na de Luun af.
De Öörd ümto sünd Wehdel in’n Noordoosten, Wolljes in’n Oosten, Loh in’n Süüdoosten, Heerst in’n Süüdwesten, Stinst, Bexhöv un Donnern in’n Westen un Sellst in’n Noordwesten.
Biller
Weblenken
Naturschuulrebeed „Bülter See un Randmooren“, Neddersassisch Landsbedriev för Waterweertschop, Küsten- un Naturschuul (hoochdüütsch)
Footnoten
Kategorie:Landkreis Cuxhoben