duum|De Pulvermöhl von Noorden keken
duum|Ehmalig Buurnhuus an de Straat Pulvermöhl De Pulvermöhl () liggt bi den Oort Heeßel in de Gemeen Hemmoor in’n Landkreis Cuxhoben, Neddersassen.
Historie
De Pulvermöhl is in dat 16. Johrhunnert anleggt un 1750 to en Koornmöhl ümrüst worrn. Dat weer en Watermöhl. De ole Naam is aver liekers bleven.
De Pulvermöhl höört von öllers al to Heeßel. An’n 1. Juli 1972 is de Pulvermöhl tohoop mit Heeßel Deel von de Gemeen Hemmoor worrn.
Vondaag sünd de Pulvermöhl, dat Stauwehr un de Möhlendiek as Denkmaal schuult (List von de Denkmaals in de Gemeen Hemmoor). De Gebüüd höört Familie Guthahn to. Dat Restaurant bi de Pulvermöhl hett de Familie Meyn tohöört. Dat gifft dat nu aver nich mehr.
Inwahnertall
Religion
De Bewahners von de Pulvermöhl weren traditschonell evangeelsch-luthersch un hebbt to dat Kaspel von de Bartelmees-Kark in Loomst höört.
För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.
Weertschop un Infrastruktur
Verkehr
De Pulvermöhl liggt an de Straat Pulvermöhl, de na Süüdoosten hen von de Bundsstraat 495 afgeiht. Wieder na Süüdoosten kummt dat Schuppenfeld, in’n Noordwesten över de B 495 röver liggt Heeßel.
Literatur
Paul Krause: Die Pulvermühle von Heeßel. in Mitteilungen des Stader Geschichts- und Heimatvereins. Nr. 35, 1960, Sied 73-75
Footnoten
Kategorie:Watermöhl Kategorie:Pulvermöhl Kategorie:Koornmöhl Kategorie:Landkreis Cuxhoben