Gordon Cameron Jackson, OBE, (* 19. Dezember 1923 in Glasgow, Schottland; † 15. Januar 1990 in London, England) weer en schottischen Schauspeler.
Leven un Loopbahn Jackson weer in sien jungen Johren toeerst bi Rolls-Royce Motor Cars in de Lehr, woneem he en Utbilln to’n Mechaniker maakt hett. In’t Johr 1943 is he denn aver vun den Kunzern weggahn un hett in’t schottische Rutherglen sien Loopbahn as Schauspeler anfungen. En Schauspeelutbilln hett he aver nich maakt. Na sien egen Vertellen harr he dorüm ok sien Leven lang jümmer bannig Lampenfever. Liekers hett he sik to een vun de leefsten Dorstellers in Film un Feernsehn rutmaakt.
Ünner annern hett Jackson in Kinoprodukschonen as Mutiny on the Bounty (dt.: Meuterei auf der Bounty, 1962) oder The Great Escape (dt.: Gesprengte Ketten, 1963) mitspeelt. Grote Bekanntheit kreeg he aver ok vör allen dör sien Rull as Butler Hudson in de Feernsehreeg Upstairs, Downstairs (dt.: Das Haus am Eaton Place) , de he vun 1971 an speelt hett. För disse Rull is he ok uttekent worrn. Een vun de Hööftrullen harr he ok in de Krimireeg The Professionals as Baas vun en Geheemdeenst-Sünnereenheit.
Verheiraat weer Jackson mit de schottischen Schauspelersche Rona Anderson. 1990 is he an Knakenkrebs doodbleven.
Filmografie (Utwahl) Johr Titel Synchroonsnacker 1942 The Foreman Went to Francedt.: Ein gefährliches Unternehmen 1943 Millions Like Us 1945 Pink String and Sealing Waxdt.: Apotheker Sutton 1949 Floodtidedt.: Zwei junge Herzen 1955 Passage Homedt.: Eine Frau kommt an Bord Werner Dahms 1957 Hell Driversdt.: Duell am Steuer Friedrich Schütter 1958 Blind Spotdt.: Der blinde Rächer 1959 Blind Datedt.: Die tödliche Falle Erich Ebert 1960 Cone of Silencedt.: Zone des Schweigens Uwe Friedrichsen 1962 Mutiny on the Bountydt.: Meuterei auf der Bounty Jörg Cossard 1963 The Great Escapedt.: Gesprengte Ketten Manfred Andrae 1965 Those Magnificent Men in Their Flying Machinesdt.: Die tollkühnen Männer in ihren fliegenden Kisten 1966 The Fighting Prince of Donegaldt.: Donegal, König der Rebellen Jürgen Thormann 1967 Danger Routedt.: Ratten im Secret Service Edgar Ott 1969 The Prime of Miss Jean Brodiedt.: Die besten Jahre der Miss Jean Brodie Claus Holm (1. Synchro)Michael Narloch (Synchro 1992) 1971 Kidnappeddt.: Die Entführung des David Balfour 1972 Madame Sindt.: In den Fängen der Madame Sin Heinz Petruo 1971-75 Upstairs, Downstairs, Feernsehreegdt.: Das Haus am Eaton Place Edgar Ott 1978 The Medusa Touchdt.: Der Schrecken der Medusa Wolfgang Lukschy 1979 The Last Giraffe, Feernsehndt.: Die Freundin mit dem langen Hals 1977-81 The Professionals, Feernsehreegdt.: Die Profis Edgar Ott 1985 The Shooting Partydt.: Die letzte Jagd Edgar Ott 1986 The Whistle Blowerdt.: Kreuzfeuer der Agenten Edgar Ott 1988 Noble House, Feernseh-Minireeg Edgar Ott 1989 The Lady and the Highwayman, Feernsehndt.: Gefährdete Liebe Wolfgang Völz
Utteken För sien Filmrullen weer Jackson fiefmol för Priesen nomineert. Mit dree dorvun is he ok ehrt worrn: 1975: mit den RTS Television Award in de Kategorie Best Dorsteller för Upstairs, Downstairs 1976: mit den Emmy in de Kategorie Rutragen Leistung vun en Nevendorsteller in en Kummedie- oder Dramareeg för Upstairs, Downstairs 1981: mit den Logie in de Kategorie Best Nevendorsteller in en Minireeg oder Feernsehfilm för A Town Like Alice
Weblenken
Kategorie:Schauspeler Kategorie:Schottland Kategorie:Mann Kategorie:Boren 1923 Kategorie:Storven 1990 Kategorie:Börger von Grootbritannien