De Delisle-Skala is en physikaalsche Skala, mit de de Temperatur meten worrn is. Se weer 1732 vun den franzööschen Astronom Joseph Nicolas Delisle inföhrt un geev de Temperatur in de Eenheit Grad Delisle an, de aver keen SI-Eenheit is.
Delisle hett en Thermometer utklamüstert, dat mit fletig Quecksülver arbeiten de. As Betogspunkt (0 °De) neem he den Kaakpunkt vun Water bi en normalen atmosphärischen Druck vun 1013,25 mbar un meet denn dat Ännern vun’t Volumen vun dat QuecksülverDario Camuffo, Phil D. Jones: Improved Understanding of Past Climatic Variability from Early Daily European Instrumental Sources, Siet 314, Springer-Verlag, 2002, ISBN 9781402005565. Dat Delisle-Thermometer harr toeerst 2400 Gradindeelen. In’n Winter 1738 hett Josias Weitbrecht dat Thermometer nee instellt, vunwegen dat he faststellt harr, dat de Volumenännern vun’t Quecksülver över dissen Temperaturünnerscheed ruchweg en Proportschoon vun 150 to 10.000 harrNikos Psarros: Die Chemie und ihre Methoden, Siet 109, John Wiley & Sons, 2008, ISBN 9783527624638. Blangen den Kaakpunkt vun Water (0 °De) weer nu de Smöltpunkt vun Ies (150 °De) as tweeten Betogspunkt för de Skala bruukt.
De Delisle-Skala is also jüst so utricht as de oorsprünglich vun Celsius inföhrte Skala (mit 0 °C an’n Kaakpunkt vun Water un 100 °C an’n Smöltpunkt vun Ies). De hüütige Celsius-Skala verlöpt dorgegen anners rümJakov A. Smorodinskij: Was ist Temperatur?: Begriff, Geschichte, Labor und Kosmos, Siet 11, Harri Deutsch Verlag, 2000, ISBN 9783817114030. Dat Delisle-Thermometer is över hunnert Johren in Russland bruukt worrn. Vundaag speelt de Delisle-Skala keen Rull mehr.
Ümreken
Borns
Kategorie:Physik Kategorie:Eenheit