Julia Janssen (* 19. Dezember 1900 in Düörpm; † 24. Dezember 1982 in Herdecke) weer en düütsch-öösterrieksch Schauspelerin.
Leven Julia Janssen wurr as Dochter vun den Musikdirekter Julius JanssenVereensgeschichte vun den Musikvereen Düörpm S. 2 up musikverein-dortmund.de; afropen an' 9. Januar 2012 un sien Ehefru Friederike boren. Nah dat Abitur kreeg se en Schauspeelutbillen bi Emil Binder in Düörpm. Doran hett sück en Volontariat an de Stadttheater Overhus un Düörpm anslooten. 1927 geev se hör Debüt an dat Wiener Burgtheater as Julia in Shakespeare sien Romeo und Julia un weer in de Folg över Johrteihnten Liddmaat vun dat Ensemble. Tallriek Gastspelen hebbt hör ok an verscheeden Bühnen in München, Prag, Brünn un Soltborg führt. Se weer todem as Schauspeellehrerin tätig un hett ünner annern de Schauspelerin Waltraut Haas ünnerricht.Eintrag Waltraut Haas in austria-lexikon.at; afropen an' 19. August 2013
Julia Janssen wark ok in eenig Film- un Feernsehproduktschonen mit. So speel se 1928 in den Stummfilm Die Frau von gestern und morgen vun Heinz Paul mit Arlette Marchal, Vivian Gibson un Fritz Alberti un 1935 in den Speelfilm Der Himmel auf Erden vun E. W. Emo mit Heinz Rühmann, Hermann Thimig un Lizzi Holzschuh. In't Feernsehn weer se 1967 in de Upteken vun en Upführen vun dat Theater in der Josefstadt mit dat Bühnenstück Katzenzungen vun den spaanschen Schriever Miguel Mihura to sehn.
Filmrullen (Utwahl) Johr Titel 1928 Der Scheidungsanwalt (ok Die Frau von gestern und morgen) 1936 Singende Musik (ok Mit Musik durchs Leben) 1956 Wilhelm Tell 1967 Katzenzungen, Feernsehn
Literatur Glenzdorfs Internationales Film-Lexikon. Biographisches Handbuch für das gesamte Filmwesen. Band 2. (Hed–Peis), Bad Münder 1961, S. 754 Kürschners biographisches Theater-Handbuch. Schauspiel, Oper, Film, Rundfunk. Deutschland – Österreich – Schweiz. Herutgeven vun Herbert A. Frenzel un Hans Joachim Moser, Berlin 1956, S. 324
Weblenken
Julia Janssen bi filmportal.de DNB-Katalog
Enkeld Nahwiesen
Kategorie:Fru Kategorie:Börger von Düütschland Kategorie:Börger von Öösterriek Kategorie:Schauspeler Kategorie:Boren 1900 Kategorie:Storven 1982