Gerardus („Gerrie“) Dominicus Hyacinthus Maria Mühren (; * 2. Februar 1946 in Volendam; † 19. September 2013, ok dor) weer en nedderlannsch Footballspeler. He speel in’t Middelfeld un Afwehr.
Karriere Mühren fung sien Loopbahn bi den FC Volendam an. 1968 wessel he to Ajax Amsterdam, mit de he fiev Mal nedderlannsch Meester, veer Mal nedderlannsch Pokalsieger wurr un dree Mal den Europapokal vun de Landesmeester wunnen hett. 1976 wessel he to Betis Sevilla. Sien Profi Loopbahn klung ut bi Seiko, en Footballvereen ut Hong Kong. Dornah hett he noch bi Drechtsteden ’79 un toletzt weer bi FC Volendam speelt
Nah sien aktiv Loopbahn wurr he Trainer in de Ajaxjöögd.
För de Football-Natschonalmannschap vun de Nedderlannen hett he 10 Lännerspelen maakt.
Sien jüngere Bröer Arnold weer ok Profi-Footballer un wurr mit de Nedderlannsch Footballmannschap 1988 Football-Europameester.
Bit to sien Erkrankung an en Myelodysplastisch Syndrom weer Mühren as Scout för den AFC Ajax tätig. An disse Krankheit is he in’ September 2013 mit 67 Johren storven.Gerrie Mühren (67) overleden, NOS-Online van’ 19. September 2013, afropen an’ 25. September 2013
Weblenken Gerrie Mühren in de Datenbank vun Weltfussball.de Gerrie Mühren bi footballdatabase.eu
Enkeld Nahwiesen
Kategorie:Mann Kategorie:Footballspeler (Nedderlannen) Kategorie:Boren 1946 Kategorie:Storven 2013 Kategorie:Börger von de Nedderlannen