Sir John Ronald Leon Standing, 4. Baronet (* as John Ronald Leon an’n 16. August 1934 in London, Grootbritannien) is en engelschen Schauspeler.
Leven un Wark Standing is de Söhn vun den Börsenmakler Sir Ronald George Leon, 3. BaronetBiografie op filmreference.com afropen an’n 27. Julki 2013, un de Schauspelersche Kay Hammond. Vun sien Mudder ehr Siet her stammt he vun en beropene Schauspeler-Familie af. Dorto tellt Sien Oor-Grootvadder Herbert Standing (1846–1923) un sien Grootvadder Sir Guy Standing (1873–1937). Ok sien Steefvadder Sir John Clements weer Schauspeler. In sien jungen Johren hett he dat Eton College un de Millfield School, Somerset, besöcht un weer later in’t King’s Royal Rifle Corps. Dorna hett he in London an de Byam Shaw School of Art studeert.
Standing sien Loopbahn füng an as en Statist in dat Bühnenstück Titus Andronicus, dat Peter Brook 1955 mit Laurence Olivier un Vivien Leigh opföhrt hettLearning Lines vun Lucy Sisman op wwword.com afropen an’n 27. Juli 2013. Hööftrullen hett he later speelt in Theeaterstücken as The Importance of Being Earnest, Private Lives oder A Sense of Detachment. Sien eerste Filmrull harr he 1962 in dat Wark The Wild and the Willing, in’t Feernsehn weer he mit en gröttere Gastrull in de Krimireeg The Avengers to sehn. In de Feernsehreeg The First Churchills vun de BBC harr he sien eerste grote Feernsehrull as Sidney Godolphin, 1. Earl of Godolphin. Jüngere Produkschonen, bi de Standing mitspeelt hett sünd to’n Bispeel Nightflyers ut dat Johr 1987 oder V for Vendetta ut dat Johr 2005. In’t Johr 2011 speel he en Gastrull in de Reeg Games of Thrones.
Standing is as 4. Baronet de Nafolger vun sien Vadder, bruukt sien Titel aver nich. Bit 1937 weer de Leon-Familie Besitter vun Bletchley Park, en Landsitt in Buckinghamshire, dat in’n Tweeten Weltkrieg bekannt weer as Zentrum to’n Knacken vun den Kood vun de Enigma. He hett 1961 Jill Melford heiraat, vun de he sik 1972 wedder scheden laten hett. Tosamen harrn se en Söhn. 1984 hett he Sarah Kate Forbes heiraat, de Dochter vun den Speelbaas Bryan Forbes un de Schauspelersche Nanette Newman. Mit ehr hett he dree Kinner.
Filmografie (Utwahl) Johr Titel Synchroonsnacker 1962 The Wild and the Willing 1963 The Avengers, Feernseh-Episooddt.: Mit Schirm, Charme und Melone 1963 The Iron Maidendt.: Die eiserne Jungfrau Eckart Dux 1965 King Ratdt.: Sie nannten ihn King Norbert Gastell 1966 The Psychopathdt.: Der Puppenmörder Andreas Mannkopff 1967 Torture Gardendt.: Der Foltergarten des Dr. Diavolo Jürgen Thormann 1969 The First Churchills, Feernsehreeg 1971 All the Right Noises 1976 The Eagle Has Landeddt.: Der Adler ist gelandet Jürgen Thormann 1978 The Legacydt.: Das Haus des Satans Lothar Blumhagen (Synchro 1997) 1980 The Elephant Mandt.: Der Elefantenmensch Jürgen Thormann 1980-81 The Other ’Arf, Feernsehreegdt.: Die kleinen und die feinen Leute 1983 Privates on Parade 1987 Nightflyersdt.: Nightflyer 1992 The Old Boy Network, Feernseh-Minireeg 1997 The Man Who Knew Too Littledt.: Agent Null Null Nix Klaus Höhne 1999 8 ½ Women 2001 Queen’s Messenger 2004 A Good Womandt.: A Good Woman – Ein Sommer in Amalfi 2006 V for Vendettadt.: V wie Vendetta Friedhelm Ptok 2007 The Shadow in the Northdt.: Sally Lockhart – Der Schatten im Norden Uli Krohm 2012 Cheerful Weather for the Wedding Eberhard Prüter 2014 Queen and Country 2017 The Hippopotamus 2018 The Happy Prince
Borns
External links
Kategorie:Mann Kategorie:Börger von Grootbritannien Kategorie:Schauspeler Kategorie:Boren 1934