Jon Rollason (* 9. April 1931 in Birmingham; † 20. Februar 2016 in Llandudno, Wales) weer en britischen Schauspeler un Schriever.
Leven un Wark Sien eersten Optreden in’t Feernsehn harr Rollason Mitt vun de 1950er Johren in de Kinnerreeg The Children of the New Forest. Dat weer för em teemlich swoor, disse Loopbahn intoslahn. In de Anfangstiet harr he kuum Geld , üm sik un sien Familie över de Runnen to bringen. Bekannt worrn is he mit dien Rull in de Krimireeg The Avengers, mit de he to’n eersten mol in de Prime Time to sehn weer. Man, sien Rull weer blots as Twüschenlösung dacht, as dat Kunzept vun de Reeg ümstellt weer. Un so bleev dat bi jüst mol dree Optreden.
He harr later aver en Duerrull in de Sepenoper Coronation Street, de he mehrere Johren lang speelt hett. Dorna kemen wietere Rullenin verschedene Feernsehregen, de in Grootbritannien geern sehn weern, as to’n Bispeel Z-Cars oder Crossroads. He füng to de Tiet ok an sülvst Manuskripten to schrieven as ünner annern för Crossroads. To sien besten Optreden tellt sien Rull as Journalist Harold Chorley in de Reeg Doctor Who.
Blangen dat Feernsehgewarf hett Rollason ok as Schriever un Dramatiker arbeit. Eenige vun sien Warken weern ok publizeert. Butendem hett he ok Rullen in’t Höörfunk-Programm vun de BBC speelt.
Rollason weer siet 1950 mit sien Fro Shirley verheiraat un hett twee Kinner.
Filmografie (Utwahl) Johr Titel Synchroonsnacker 1961 The Terrorists, Feernsehn 1962 The Avengers, Feernsehfolgendt.: Mit Schirm, Charme und Melone Helmut Zierl 1964 Swizzlewick, Feernsehfolgen 1968 Doctor Who, Feernsehreeg 1963-69 Z Cars, Feernsehfolgen 1963-69 Coronation Street, Feernsehreeg 1971 Freelance, Feernsehn
Utteken Rollason is 1974 mit den Writers’ Guild of Great Britain Award uttekent worrn för sien Dreihbook to de Dokumentatschoon Nobody’s Fault.
Weblenken
Born Biografie op „Avengers Forever“ (Engelsch)
Kategorie:Schauspeler Kategorie:Schriever Kategorie:Börger von Grootbritannien Kategorie:Mann Kategorie:Boren 1931 Kategorie:Storven 2016