Gerd Audehm (* 14. März 1968 in Annahütte) is en ehmalger düütsch Radrennfohrer.
Leven un Loopbahn Audehm wurr in Annahütte boren un is in Senftenberg in Brannenborg upwussen. He hett en DDR-Sportinternat in Cottbus besöcht un wurr Radrennfohrer. Bi de Öösterriek-Rundfohrt 1988 kunn he eerstmals Erfolge fiern. Nahdem de Müer fallen weer keem he in dat Team Nürnberger, wurr 1991 un 1992 Sieger vun de Internatschonale Rhienland-Palz-Rundfohrt un 1993 Liddmaat vun dat Team Telekom, wo he bit 1996 bleev. He gull as toverlässig "Waterdräger" vun de Stars. 1998 hett he sien Loopbahn afslooten.
An’ 8. Juli 2000 is he mit akut Hartkamerflimmern in en Fitnessstudio tosommenbraken. As he nah Maanden ut dat Koma weer upwaakt is, harr he wegen Suerstoffünnerversörgen in’t Gehirn en hypoxischen Hirnschaden erleeden. Dordör is sien Gedächtnis stark stört. As Pleegfall is he vun sien Wahnoort Eynatten in Belgien weer nah sien Öllern trucken. Ut de intüschen schett Ehe hett he en Dochter.
Wat he schafft hett
1988 Deelstreckensieger bi de Öösterriek-Rundfohrt 1991 Sieger vun de Internationale Rhienland-Palz-Rundfohrt 1992 Sieger vun de Internationale Rhienland-Palz-Rundfohrt 1993 Deelnehmer an de Tour de France (Platz 99) 1994 Deelnehmer an de Tour de France (Platz 28) 1997 Sieger Bargwertung Neddersassen-Rundfohrt
Weblenken Gerd Audehm in de Datenbank vun Radsportseiten.net "Der ehemalige Radprofi Audehm ein Pflegefall" (Artikel FAZ 23. Januar 2001)
Kategorie:Mann Kategorie:Börger von Düütschland Kategorie:Radrennfohrer (Düütschland) Kategorie:Boren 1968