Ooldwist () is en Dörp in de Gemeen Beverst in’n Landkreis Cuxhoben, Neddersassen.

Geografie

An de Süüdwestkant von dat Dörp flütt de Ooldwister Luun langs, de denn so 1,5 Kilometer in’n Noordwesten von dat Dörp bi Karkwist in de Luun münnt.

De Naveröörd sünd Horst in’n Noorden, Volkmarst in’n Noordoosten, Brillit in’n Oosten, Kuhs un Gnarrenborg in’n Süüdoosten, Siedlung Kuhs in’n Süden, Ah un Helljes in’n Süüdwesten, Wellen in’n Westen un Stemmermöhlen un Karkwist in’n Noordwesten.

Historie

In’n Eersten Weltkrieg sünd veer Soldaten ut Ooldwist fullen oder vermisst un in’n Tweten teihnhttp://www.denkmalprojekt.org/2008/kirchwistedt-altwistedt_wk1u2_ns.htm.

De Oort hett vör 1851 to dat Gericht Beverst tohöört un denn von 1851 bet 1859 to dat Amt Beverst. 1859 is de Oort mit dat ganze Kaspel Karkwist an dat Amt Bremervöör wesselt. 1885 is Oldwist Deel von’n Kreis Bremervöör worrn.

Dat Dörp is 1939 tohoop mit Ah Deel von de Gemeen Karkwist worrn, wat aver to’n 1. Oktober 1949 wedder trüggännert worrn is.Neues Archiv für Niedersachsen. Band 3, W. Dorn, 1949, Sied 871 An’n 1. März 1974 sünd Ooldwist, Karkwist un Ah denn aver doch wedder tohoopleggt worrn. Ooldwist is dorbi von’n Landkreis Bremervöör in’n Landkreis Wersermünn wesselt. An’n 1. November 2011 is de Gemeen Karkwist denn Deel von de ne’e Gemeen Beverst worrn. Bi de Kreisreform 1977 is de Landkreis Wersermünn in’n Landkreis Cuxhoben opgahn.

Inwahnertall

Religion

Ooldwist is evangeelsch-luthersch präägt un höört to dat Kaspel Karkwist.

Kultur

In Ooldwist steiht en Denkmaal för de Fullenen ut de twee Weltkrieg’.

Verenen

Ooldwist hett en egen Schüttenvereen. De Freewillige Füürwehr is 1933 grünnt worrn.

Infrastruktur

Verkehr

Ooldwist liggt an de Landsstraat 122, de in’n Noordwesten in Karkwist an de Bundsstraat 71 ran löppt un in’n Süüdoosten in Kuhs an de B 74 ran. Ans gifft dat lüttjere Straten na Stemmermöhlen, Volkmarst, Brillit, Ah un Wellen.

De nächste Bahnhoff is de Bahnhoff Stubben an de Bahnlien Bremen–Bremerhoben, de so teihn Kilometer in’n Westen liggt.

Footnoten

Kategorie:Oort Kategorie:Landkreis Cuxhoben