duum|rechts|Vincenzo Nibali duum|Vincenzo Nibali bi de Tour de France 2009 Vincenzo Nibali (* 14. November 1984 in Messina) is en ehmalger italieensch Radrennfohrer.
Nahdem he all in sien Jöögdtiet bi Rad-Weltmeesterschapen Medaillen winnen kunn, kreeg he 2005 sien eersten Profi-Verdrag bi dat Team Fassa Bortolo. Ok dor weer he all temelk spoodriek. Siet 2006 fohrt he denn för den Liquigas Rennstall. Bi de Settimana Internazionale kunn he denn all een Deelstreck winnen. Bi de Eneco Tour keem he in de Gesamtwertung up den 3. Platz. Sien bit dorhen gröttste Spood weer denn aber de Sieg bi dat Rennen GP Ouest France.
2008 nehm he an de Olympisch Sömmerspelen deel.
Bi den Giro d’Italia 2010 wunn he mit sien Team dat Mannschapstietfohren un kunn dree Daag lang dat Maglia Rosa dragen. Dorto wunn he de 14. Deelstreck un keem in de Gesamtwertung up den 3. Platz. Enn’ September 2010 wunn he denn de Vuelta a España, ok wenn he nich een Deelstreck wunnen harr. 2011 hett he kien Rennen wunnen, keem aber bi den Giro d’Italia in de Gesamtwerung up den tweeten Platz.
2012 wunn he aber een Deelstreck un de Gesamtwertung bi de Fröhjohrs-Rundfohrt Tirreno-Adriatico. Ok bi de Tour of Oman wunn he een Deelstreck. Bi de Tour de France in dat sülvig Johr keem he in de Gesamtwertung up den darten Platz. Ok an de Olympisch Sömmerspelen hett he deelnommen.
Enn’ 2012 is he to dat kasachisch Team Astana Pro Team wesselt un hett dor den bitherigen Kapitän un Olympiasieger Alexander Nikolajewitsch Winokurow ersett, de sien Loopbahn afslooten harr. För sien nee Rennstall kunn he 2013 glieks sien Titel bi Tirreno-Adriatico verteidigen, bleev dorbi aber ahn Sieg in Deelstrecken. Bi den Giro del Trentino wunn he en Deelstreck, de Bargwertung und dat Rennen an sück. Dornah gelung hüm de Sieg bi den Giro, wo he todem en Deelstreck un dat Bargtietfohren wunn.
Sien gröttste Spood weer 2014 de Gesamtsieg bi de Tour de France. 2022 is he torüchtreeden.
Wat he schafft hett 2006 Sieger GP Ouest France-Plouay een Deelstreck Settimana Internazionale
2007 Sieger Gran Premio Larciano Sieger Giro di Toscana twee Deelstrecken Slowenien-Rundfohrt
2008 Gesamtwertung un en Deelstreck Giro del Trentino
2009 Giro dell’Appennino Gran Premio Città di Camaiore
2010 een Deelstreck un Gesamtwertung Tour de San Luis Gesamtdart, Mannschapstietfohren un een Deelstreck Giro d’Italia een Deelstreck un Gesamtwertung Slowenien-Rundfohrt Trofeo Melinda Gesamtwertung Vuelta a España
2011 Gesamttweet Giro d’Italia
2012 een Deelstreck Tour of Oman een Deelstreck un Gesamtwertung Tirreno-Adriatico Dart in de Gesamtwertung vun de Tour de France een Deelstreck un Gesamtwertung Giro di Padania
2013 Tirreno–Adriatico Gesamtwertung, Bargwertung un een Deelstreck Giro del Trentino Gesamtwertung, Bargtietfohren un een Deelstreck Giro d’Italia
2014 Italieensch Meester – Straatenrennen Gesamtwertung Tour de France un veer Deelstrecken
2015 20px Italieensch Meester – Straatenrennen een Deelstreck Tour de France Coppa Bernocchi Tre Valli Varesine Il Lombardia
2016 Gesamtwertung un een Deelstreck Tour of Oman Mannschapstietfohren Giro del Trentino 20px Gesamtwertung un een Deelstreck Giro d’Italia
2017 Gesamtwertung Kroatien-Rundfohrt een Deelstreck Giro d’Italia een Deelstreck Vuelta a España Il Lombardia
2018 Mailand–Sanremo
2019 een Deelstreck Tour de France
2021 Gesamtwertung Giro di Sicilia
Weblenken
Vincenzo Nibali in de Datenbank vun Radsportseiten.net Vincenzo Nibali in de Datenbank vun de Tour de France (engelsch) Vincenzo Nibali in de Datenbank vun Sportsreference.com (engelsch)
Kategorie:Mann Kategorie:Börger von Italien Kategorie:Sizilien Kategorie:Radrennfohrer (Italien) Kategorie:Olympiadeelnehmer (Italien) Kategorie:Boren 1984