duum|Viebrocks Gasthuus in Rutenbeek duum|Ehmalig Buurnhuus in Rutenbeek Rutenbeek () is en lütt Oort in de Gemeen Bliersdörp, Samtgemeen Hornborg, in’n Landkreis Stood, Neddersassen.
Geografie
In’n Westen von’n Oort löppt de Steenbeek langs.
De Naveröörd sünd Bliersdörp in’n Noordoosten, Grundolendörp in’n Oosten, Ruschwedel in’n Süden, Harsfeld in’n Westen un Issendörp in’n Noordwesten.
Historie
Vör 1852 hett dat Dörp to dat Gericht Delm höört un weer denn von 1852 bet 1859 in dat Amt Hornborg. Denn is dat Deel von dat Amt Harsfeld worrn. Na 1885 hett dat denn to’n Kreis Stood höört un von 1932 af an to’n hüdigen Landkreis Stood. De Oort hett al von öllers her to Bliersdörp totellt.
Religion
Rutenbeek is evangeelsch-luthersch präägt un höört to dat Kaspel von de Katharinen-Kark in Bliersdörp.
Weertschop un Infrastruktur
Verkehr
duum|Kreisstraat 26 mit de Brügg över’n Steenbeek Rutenbeek liggt an de Kreisstraat 26, de in’n Westen na Harsfeld un in’n Noordoosten över Grundolendörp na Heendörp an de Bundsstraat 73 ran löppt. Na Noorden geiht de K 37 na Bliersdörp un bi Postmoor an de B 73 ran un in’n Süüdoosten de K 49 över Ruschwedel na Obbens.
De Opfohrt 5 Hornborg op de Autobahn 26 (Afsnidd Stood–Hamborg) is so bi söven Kilometer wied weg in’n Noordoosten.
De nächste Bahnhoff is de Bahnhoff Hornborg an de Nedderelvbahn von Cuxhoben na Hamborg, wat so söven Kilometer weg is.
Weblenken
Kategorie:Oort Kategorie:Landkreis Stood