Tollboom () is en Oort in de Gemeen Wingst (Samtgemeen Land Hadeln) in’n Landkreis Cuxhoben, Neddersassen.
Geografie
Tollboom liggt an de Westkant von de Wingst. In’n Westen löppt de Neehuus-Bülkauer Kanaal an dat Dörp langs.
De Naveröörd sünd Ooldkeden un Kumbarg in’n Noordoosten, Höden un Watermöhl in’n Oosten, Westerhamm un Bargkamp in’n Süüdoosten, Grift in’n Süden, Oppeln in’n Süüdwesten un Au in’n Noordwesten.
Historie
De Naam kummt dorvon, dat dor fröher an de Grenz von dat Kaspel Oppeln na dat Kaspel Kumbarg en Tollboom stahn hett. An dissen Tollboom hett later dat Gasthuus Butt stahn.
Inwahnertall
Religion
Tollboom is evangeelsch-luthersch präägt un höört to dat Kaspel von de Nicolai-Kark in Kumbarg.
För de Kathoolschen is de Hillig-Krüüz-Kark in Oterndörp tostännig.
Kultur
Verenen
De Schützenvereen Wingst-Tollboom is 1910 grünnt worrn un fiert jümmer an’t eerste Wekenenn in’n Juli sien Schützenfest.
Weertschop un Infrastruktur
Verkehr
Tollboom liggt an de Kreisstraat 21, de in’n Westen na Bülkau an de Landsstraat 144 ran löppt un in’n Süüdoosten över Westerhamm, Bargkamp, Süderbusch, Ellerbrook un Wittenmoor na Bröckelbeek löppt. Na Noorden löppt von Tollboom de K 22, de in Kumbarg an de Bundsstraat 73 rangeiht.
De nächste Bahnhoff is de Bahnhoff Kumbarg an de Nedderelvbahn von Cuxhoben na Hamborg.
Footnoten
Kategorie:Oort Kategorie:Landkreis Cuxhoben