Kührst is en Oortschop in de Gemeen Geestland in’n Landkreis Cuxhoben in Neddersassen mit 1094 Inwahners. To de Oortschop höört blangen dat Dörp Kührst ok dat Dörp Alfst to.
Geografie
De Naveroortschoppen sünd Beers in’n Noorden, Lintig in’n Oosten, Ringst in’n Süüdoosten, Sellst (Gemeen Schippdörp) in’n Süden, Elm in’n Westen un Drangst in’n Noordwesten.
Historie
De Gemeen Kührst is 1968 ut de olen Gemenen Kührst un Alfst billt worrn.
An’n 1. April 1971 is de Gemeen Kührst Liddmaat von de eerste Samtgemeen Beers worrn. Dat hett aver blots bet to’n 1. März 1974 duurt, denn is Kührst Deel von de ne’e, gröttere Samtgemeen Beers worrn.
Kührst is to’n 1. Januar 2015 mit de annern Gemenen in de Samtgemeen Beers un de Stadt Langen to de Gemeen Geestland tohoopgahn. Kührst billt nu en Oortschop mit egen Oortsraad un Oortsbörgermeester binnen disse Gemeen.
Politik
Gemeenraad/Oortsraad
Liddmaten: 2014: WG: Jens-Uwe Döscher, Hermann Hanewinkel, Carl Hildebrandt, Marco Hüttmeyer, Dennis Knackstedt, Heino Schween, Ewald Wiesner 2016: CDU: Hermann Hanewinkel, Ewald Wiesner WG: Jens-Uwe Döscher, Carl Hildebrandt, Marco Hüttmeyer, Dennis Knackstedt, Heino Schween
Börgermeesters/Oortsbörgermeesters
Börgermeesters: Tied Börgermeester Partei 1968– Hinrich Schniedewind CDU -31. Dezember 2014 Hermann Hanewinkel WG
Oortsbörgermeesters: Tied Oortsbörgermeester Partei 1. Januar 2015– Hermann Hanewinkel WG/CDU
Wapen
Dat Wapen von de Oortschop un fröhere Gemeen wiest baven op roden Grund en sülvern Ekentelg mit söss Bläder un twee Eckern un ünnen op grönen Grund en sülvern Wellenband mit en swart Kahn dor op.
De twee Eckern staht för de twee Öörd, ut de sik de Gemeen billt hett. De rode Grund kummt ut dat Wapen von Alfst un de gröne Grund ut dat Wapen von Kührst. Dat Wellenband un de Kahn staht för den Haadler Kanaal, de an Kührst un Alfst langslöppt un för den Frachtverkehr dor op.
Weblenken
Websteed vun de Samtgemeen (hoochdüütsch)
Kategorie:Landkreis Cuxhoben Kategorie:Oortschop