De Samtgemeen Hadeln weer en Rebeetsverband in’n Noorden von’n Landkreis Cuxhoben mit Seet in Oterndörp, de von 1970 bet 2010 bestahn hett.
Historie
De Samtgemeen is an’n 1. Januar 1970 ut de Gemenen Neenkarken, Lee, Oosterbrook un Oterndörp billt worrn.
An’n 1. Januar 2011 is de Samtgemeen denn mit de Samtgemeen Sietland tohoopgahn un hett de ne’e Samtgemeen Land Hadeln billt.
Inwahnertall
Wapen
Dat Wapen wiest vörn teihn swarte un gollen Striepen mit en schraag bagen grönen Rutenkranz dor op un achtern op grönen Grund un en swarten Schildfoot den hilligen Nikolaus von Myra in sülvern Ünnerrock, gröön Överrock mit gollen Rannen, gollen Schoh un Bischopsmütz, in de linke Hand en gollen Krummstaff un de rechte Hand to’n Swoor hoogböhrt.
De Deel vörn is dat Wapen von Sassen-Loonborg, to dat dat Land Hadeln fröher tohöört hett.
Politik
Samtgemeenbörgermeesters
Tied Naam Partei 1. Januar 1970-21. Oktober 1972 Hermann Gerken CDU 1989-2001 Hans-Volker Feldmann CDU 2006-31. Dezember 2010 Harald Zahrte ahn Partei
Samtgemeendirekters Tied Samtgemeendirekter ~1975 Hans-Wilhelm Schroerschwarz 1. November 1986-31. August 1995 Wolfgang Vockel 1995-2006 Harald Zahrte
Weertschop un Infrastruktur
De Samtgemeen hett en Klärwark in Oterndörp bedreven (1975 op de to de Tied modeernsten Stand utboot). 2003 is en Druckröhr von Oterndörp na dat Klärwark Cuxhoben anleggt worrn un dat Klärwark Oterndörp hett dichtmaakt.
Kategorie:Landkreis Cuxhoben Kategorie:Gifft dat nich mehr