Willahermoor () is en lütten Oort in de Gemeen Heinbockel in’n Landkreis Stood, Neddersassen. De Oort höört polietsch von öllers al bi Hogenoh mit bi.

Geografie

Willahermoor liggt in en Moorrebeed an dat Noordöver von de Swing an’n Rand na dat Hoge Moor.

De Naveröörd sünd Hogenoh un Hogenoher Forth in’n Noordoosten, Mulsen in’n Süden, Hogenmoor in’n Süüdwesten, Schierel, Grööndörp un Öölmerheid in’n Westen un Willah in’n Noordwesten.

Historie

Willahermoor höört von öllers al to Hogenoh mit to un weer keen egen Gemeen. An’n 1. Juli 1972 is dat denn tohoop mit Hogenoh Deel von de Gemeen Heinbockel worrn.

Vör 1885 weer Willahermoor Deel von de Böörd Olendörp binnen dat Amt Himmelpoorten. 1885 is de Oort denn Deel von’n Kreis Stood worrn un 1932 von’n ne’en, grötteren Kreis Stood.

Inwahnertall

* tohoop mit Willah

Religion

Willahermoor is evangeelsch-luthersch präägt un höört to dat Kaspel von de Martinskark in Olendörp.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Weertschop un Infrastruktur

Verkehr

Willahermoor liggt an en Blangenstraat von de Bundsstraat 74, de in’n Süüdwesten över Öölm na Bremervöör löppt un in’n Noordoosten över Hogenoh un Wiepenkathen na Stood an de B 73 ran.

De nächste Bahnhoff is de Bahnhoff Kutenhult an de Bahnlien Bremerhoben–Buxthu, de so bi negen Kilometer wied weg in’n Süden liggt.

Footnoten

Kategorie:Oort Kategorie:Landkreis Stood