Langen weer en Gemeen in’n Landkreis Cuxhoben in Neddersassen mit 18.510 Inwahners, de von 1974 bet 2014 bestahn hett. De Gemeen hett an’n 1. Juli 1990 de Stadtrechten kregen.
Geografie
De Gemeen is op en Stück in’n Süüdwesten an de Noordsee/Wersermünn raakt. An de Küst is Masch, na Oosten hen to leeg de Gemeen op de Geest.
De Navergemenen weren Noordholt op en lütt Enn in’n Noorden, Wannen in’n Noordoosten, Flögeln in’n Oosten, Drangst in’n Süüdoosten, Schippdörp in’n Süden, Bremerhoben in’n Süüdwesten, Wremen, Mulsen un Dorum in’n Westen un Millm in’n Noordwesten.
Historie
De Gemeen Langen hett sik an’n 1. März 1974 ut de Samtgemenen Langen (mit de Gemenen Langen, Imßen, Debst un Sievern) un Niewohl (mit de Gemenen Niewohl, Holsseln, Hemendörp un Krümpel) billt.
De Gemeen Langen hett 2012 beslaten to’n 1. Januar 2015 mit de Gemenen von de Samtgemeen Beers tohooptogahn. De ne’e Gemeen hett den Naam Geestland.
Inwahnertall
Politik
Gemeenraat
Wahl CDU SPD Gröne FDP De Linke Börgerfrakschoon Langen 2001 16 14 1 - - 1 2006 15 12 1 1 - 3 2011 14 12 3 - 1 2 (Stand: Kommunalwahl vun’n 11. September 2011)
Börgermeesters
Tied Börgermeester Partei 1. November 2001-30. April 2005 Jürgen Kopelke ahn Partei 7. Oktober 2005-31. Dezember 2014 Thorsten Krüger SPD
Wapen
Dat Wapen von de Gemeen wiest op gollen Grund över en swarten Barg in’n Schildfoot en rood Sünnenrad. Op’n Schildfoot liggt en gollen Urn un dor ünner en sülvern Wellenlien.
De Wellenlien steiht för de Werser, de swarte Barg för den Jedutenbarg un dat Sünnenrad un de Urn för archäoloogsche Funnen ut de Gemeen.
Utklamüsert hett dat Wapen de Heraldiker Albert de Badrihaye. De Gemeen hett düt Wapen 1974 von de ole Gemeen Langen övernahmen.
Footnoten
Weblenken
Websteed vun de Gemeen (hoochdüütsch)
Kategorie:Landkreis Cuxhoben Kategorie:Gifft dat nich mehr