duum|Hünengraff bi Leernst Leernst () is en Dörp in de Gemeen Hagen in’n Landkreis Cuxhoben, Neddersassen. Binnen de Gemeen billt de Oort en egen polietsche Oortschop.

To Leernst höört ok de lüttje Oort Seedörp mit bi.

Geografie

De Oort liggt op de Oosterholter Geest. Een Kilometer in’n Oosten von Leernst löppt de Drept langs. Dat Water ut dat Rebeed flütt aver vör allen över dat Kuhfleet na’n Aschwarder Floodgraven hen af. In’n Noorden liggt dat Naturschuulrebeed Süüdlich Hagener Königsmoor un in’n Noordwesten dat Borner Moor.

De Naveröörd sünd Hagen in’n Noorden, Heesen, Dörphagen un Wolsbuddel in’n Noordoosten, Hein un Vosloog in’n Süüdoosten, Seedörp, Meyenborg, Braakland un Brandbarg in’n Süüdwesten (de letzten dree in’n Landkreis Oosterholt), Uthleer in’n Westen un Neenhusen in’n Noordwesten.

Historie

Von Leernst na’n Süden to in’n Düngel gifft dat söven Hünengräver.

Dat eerste Maal kummt de Oort 1105 as Hlidenstede in en Oorkunn von’n Bremer Arzbischop Friedrich I. vör. De Naam kummt wohrschienlich af von dat Woord Lieth, wat för en Geestbarg steiht.

In’n Eersten Weltkrieg sünd 18 Soldaten ut Leernst fullen oder vermisst un in’n Tweten 26http://www.denkmalprojekt.org/2011/wulsbuettel-lehnstedt_wk1u2_ns.htm .

Verwaltungsgeschicht

In de Franzosentied von 1810 bet 1814 hett de Oort to de Mairie Meyenborg in’n Kanton Hagen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Vör 1885 weer Leernst in de Böörd Braamst von’t Amt Hagen un na 1885 in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

An’n 1. April 1929 is Neenhusen (mit Born) Deel von de Gemeen Leernst worrn. An’n 1. März 1974 is de ole Gemeen Leernst mit de Gemeenreform in Neddersassen sülvs Deel von de Gemeen Wolsbüddel worrn. An’n 1. Januar 2014 sünd Leernst un Wolsbüddel denn tohoop Deel von de ne’e Gemeen Hagen worrn. Binnen de Gemeen Hagen billt Leernst sietdem en polietsche Oortschop mit egen Oortsvörsteiher.

Inwahnertall

Religion

Leernst is evangeelsch-luthersch präägt un höört bi dat Kaspel von de Lucia-Kark in Wolsbuddel. In düt Kaspel is de Oort an’n 21. Mai 1868 wesselt. Vörher hett de Oort to dat Kaspel von de Jacobi-Kark in Braamst höört.

För de Kathoolschen is de Hillig-Hart-Jesu-Kark in Geestmünn tostännig.

En egen Karkhoff hett Leernst 1959 kregen, vörher sünd de Lüüd bi de Kark in Wolsbuddel begraven worrn.

Wapen

Dat Wapen von Leernst wiest op blauen Grund un en grönen Schildfoot en sülvern Hünengraff un dor över en gollen Ekentelg mit dree Bläder un dree Eckern.

Börgermeesters/Oortsvörsteihers

Börgermeesters:http://www.lehnstedt.eu/pdfs/z017.pdf 1924–Oktober 1933: Heinrich Prigge 1933–8. Mai 1945: Ludwig Schumacher 8. Mai 1945–Harvst 1945: Christoph Zapp 1952–1968: Hinrich Steilen 1968–28. Februar 1974: Theodor Illjes

Oortsvörsteihers: 1. Januar 2014–: Jürgen Schlüterbusch (CDU)

Kultur

En Denkmaal för de Fullenen ut de twee Weltkrieg’ steiht in Leernst op’n Karkhoff.

Verenen

Bi’n Scheetsport maakt de Leernsters bi’n Schützenvereen Wolsbuddel mit.

De Heimatvereen is an’n 22. Januar 1974 grünnt worrn.

Weertschop un Infrastruktur

Leernst hett en egen Freewillige Füürwehr, de 1902 grünnt worrn is.

Leernst hett 1920 elektrischen Stroom kregen.

Verkehr

Leernst liggt an de Kreisstraat 48, de in’n Oosten över Wolsbuddel na de Landsstraat 135 hen löppt. In’n Westen löppt de Straat na Uthleer an de L 134. So bi een Kilometer in’n Westen von Leernst büddt de K 48 mit de Opfohrt 13 Uthleer en Opfohrt op de Autobahn 27 (Afsnidd Bremen–Bremerhoben).

De nächste Bahnhoff is sö bi ölven Kilometer wied weg in’n Noordoosten de Bahnhoff Lübbs in Wohlthöben an de Bahnlien Bremen-Bremerhoben.

Scholen

Bet 1969 harr Leernst en egen Volksschool.Die Geschichte der Hermann-Allmers-Schule Vondaag gaht de Kinner op de Grundschool Uthleer. Nadem se mit de Grundschool dör sünd, gaht se in Hagen för Haupt- un Realschool op de Hermann-Allmers-School oder för dat Gymnasium op de Waldschool Hagen/Beverst.

Footnoten

Weblenken

Websteed över dat Dörp (hoochdüütsch)

Kategorie:Oort Kategorie:Landkreis Cuxhoben