De Samtgemeen Beers weer en Samtgemeen in’n Landkreis Cuxhoben, in de sik acht Gemenen för dat Afwickeln vun de Verwaltenssaken tohoopslaten harrn.
Historie
De Samtgemeen is 1974 billt worrn. Vörher harr dat al siet 1971 en lüttjere Samtgemeen Beers geven.
De Gemenen in de Samtgemeen Beers hebbt 2012 beslaten to’n 1. Januar 2015 mit de Gemeen Langen tohooptogahn. De ne’e Gemeen hett den Naam Geestland un de Samtgemeen is dor bi oplööst worrn.
Inwahnertall
Politik
To de Samtgemeen hebbt düsse acht Gemenen höört: Gemeen Beers (Sitt vun de Verwalten) Gemeen Drangst Gemeen Elm Gemeen Flögeln Gemeen Köhlen Gemeen Kührst Gemeen Lintig Gemeen Ringst
Samtgemeenraat De Samtgemeenraat vun de Gemeen bestünn toletzt blangen den Samtgemeenbörgermeester ut 30 wählte Raatsliddmaten. De letzte Kommunalwahl weer an’n 11. September 2011:
Partei 2001 2006 2011 SPD 8 9 9 CDU 23 21 19 Gröne - - 1 De Linke - - 1
Samtgemeenbörgermeesters Börgermeester Tied Partei Sven Wojzischke -31. Dezember 2014 CDU
De letzte Samtgemeenbörgermeester weer Sven Wojzischke.
Partnerschoppen
De Gemeen hett 1975 en Partnerschop mit Bodmin in Grootbritannien slaten.
Wapen
Dat Wapen von de Gemeen wiest op roden Grund baven en sülvern Slötel, ünnen twee sülvern Ekenbläder un in’e Midd en sülvern Wellenlien, mit en blau Achtkant dor över, op dat de gollen Kopp von en Aadler mit rode Tung un roden Snavel to sehn is.
De Slötel kummt ut dat Wapen von Bremen.
Weblenken
Websteed vun de Samtgemeen (hoochdüütsch)