duum|Raadhuus von Hemmoor Hemmoor is en Gemeen in de Samtgemeen Hemmoor in'n Landkreis Cuxhoben in Neddersassen mit . De Gemeen hett an’n 1. Oktober 1982 Stadtrechten kregen.

Geografie

Dat Rebeed von de Gemeen höört to de Loomster Geest un to de Masch von de Oost. Deelwies is dat ok Moor.

De Navergemenen sünd Öberndörp in’n Noorden, Oosten in’n Noordoosten, Grootweurn in’n Oosten (in’n Landkreis Stood), Heckthusen in’n Süüdoosten, Loomst in’n Süüdwesten, Mittelsnohn in’n Westen un Wingst in’n Noordwesten.

Historie

De Gemeen Hemmoor is 1968 ut de olen Gemenen Hemmoor, Basbeek, Warstood, Hemm, Westersood un Heeßel tohoopleggt worrn (Hemm, Heeßel un Warstood weren do al in de Samtgemeen Warstood tohoopslaten). Ofschoonst Hemmoor sülvs en temlich lütt Dörp weer un Basbeek un Warstood düüdlich grötter, hett de ne’e Gemeen den Naam Hemmoor kregen, vonwegen dat de Naam dör de Hemmoor Zement AG temlich bekannt weer.

An’n 1. Januar 1972 is en Deel von Ohrensfluchtermoor mit üm un bi 50 Inwahners von de Gemeen Öberndörp an de Gemeen Hemmoor un dor in’n Oortsdeel Ooldhemmoor wesselt.

1982 hett de Gemeen de Europafahn von’n Europaraad tokennt kregen.

Inwahnertall

Politik

Stadtraad

Nadem de Gemeen an’n 1. Juli 1968 grünnt worrn is, hett sik de Gemeenraad bet to de nächsten Kommunalwahlen 29. September 1968 ut de Verwaltungsutschüss von de söss olen Gemenen tohoopsett. Dat weren alltohoop 56 Raadslüüd.

Liddmaten

Börgermeesters

Tied Börgermeester Partei 1. Juli 1968–Enn 1968 Helmut Grube CDU Enn 1968–1976 Herbert Müller SPD 1976–8. Januar 1980 Helmut Grube CDU 1980–1981 Otto Peschel FDP 1981–2000 Paul Neese SPD 2000–2001 Hans Wilhelm Saul SPD 2001–2006 Klaus-Helmut Grube CDU 2006–31. Oktober 2016 Hans Wilhelm Saul SPD 1. November 2016–27. November 2021 Lasse Weritz CDU 27. November 2021– Sabine Wist SPD

Gemeendirekters

Tied Gemeendirekter 1. Juli 1968–30. April 1976 Herbert Töpper 1. Mai 1976–31. Dezember 1979 Gert Hoffmann 1. Januar 1980– Hugo Miklas Lothar Domann 1999–2006 Rolf Golloch

Wapen

Dat Wapen von de Gemeen wiest baven vörn op blauen Grund en sülvern Wagg un en sülvern Wellenlien, baven achtern op sülvern Grund en swart Haal un ünnen blauen Grund en sülvern Kammrad.

Dat Kammrad stammt ut dat Wappen von dat Dörp Hemmoor, de Haal ut dat Wapen von Basbeek un de Wagg is dat Wapen von Warstood.

Partnerschoppen

De Gemeen hett en Ringpartnerschop mit Couhé in Frankriek un Swaffham in Grootbritannien. De Partnerschop hett de Gemeen von de Gemeen Warstood övernahmen. De mit Couhé is an’n 29. Oktober 1967 slaten worrn un de mit Swaffham an’n 5. Juni 1968.

En twete Partnerschop, de an’n 31. Mai 1991 slaten worrn is, gifft dat mit Rüdersdorf bei Berlin, dat jüst as Hemmoor fröher en groot Zementwark harr.

Ehrenbörgers

Ehrenbörgers von Hemmoor sünd ünner annern:

24. August 2017: Günter Weiß, 44 Johr lang Raadsherr in Hemmoor, 24. August 2017: Hans-Wilhelm Saul, 10 Johr Börgermeester von Hemmoor.

Kultur

De Wiehnachtsmarkt von de Gemeen Hemmoor warrt jümmer an dat eerste Wekenenn in’n Advent op’n Raadhuusplatz in Warstood fiert.

Weertschop un Infrastruktur

De Stadt Hemmoor (vör allen mit dat Zentrum in Basbeek/Warstood) billt en Middelzentrum för de Öörd in de Ümgegend.

Ver- un Entsorgung

Dat Water för de Gemeen kummt von’n Waterverband Wingst. Dat Afwater warrt in dat Klärwark Hemmoor klärt, dat bi Sethlerhemm an de Oost liggt un von de Abwasser-Entsorgung Hemmoor GmbH (AEH) bedreven warrt, wat en Verbund von de Gemeen Hemmor un de EWE Water is. Düt Klärwark is 1975 in Bedriev gahn. In dat Johr 2018 hett dat Klärwark 493.000 Kubikmeter Afwater klärt.Ulrich Rohde: Kanalgebühren stabil - erst einmal..., Niederelbe-Zeitung an’n 25. September 2019, Sied 7

Footnoten

Weblenken

Websteed vun de Gemeen (hoochdüütsch)

Kategorie:Landkreis Cuxhoben