Löh () is en lütten Oort in de Gemeen Himmelpoorten in’n Landkreis Stood, Neddersassen.
Geografie
De Naveröörd sünd Bredenwisch in’n Noorden, Borg in’n Noordoosten, Ossenpohl in’n Oosten, Ramels in’n Süüdoosten, Himmelpoorten in’n Süden, Burweg in’n Westen un Host in’n Noordwesten.
Historie
Löh höört von öllers al to Himmelpoorten mit to un weer keen egen Gemeen.
Vör 1885 weer Löh Deel von’n Kloosterbezirk Himmelpoorten in dat Amt Himmelpoorten. 1885 is de Oort denn Deel von’n Kreis Stood worrn, de 1932 mit de Kreise Keden un Jörk to’n hüdigen Kreis Stood tohoopgahn is.
1932 is in Löh op de Weid von’n Buur Hinnerk Kühlk in en Graff ut de Jungsteentied en Armring ut Gold funnen worrn. De Schoolmeester Adolf Cassau ut Stood hett den Ring un annere Funnen denn ünnersöcht un borgen. De Ring liggt vondaag in’n Swedenspieker in Stood.
Inwahnertall
Religion
Löh is evangeelsch-luthersch präägt un höört to dat Kaspel von de Marienkark in Himmelpoorten. Fröher hett en groten Deel von’n Oort aver to dat Kaspel von de Petrus-Kark op de Host tohöört. Stand 1791 weren dat 12 Hööv, de in Host na Kark güngen, un blots een Hoff, de in Himmelpoorten na Kark güng.
För de Kathoolschen is de Hillig-Geist-Kark in Stood tostännig.
Weertschop un Infrastruktur
Verkehr
Löh liggt an de Landsstraat 113, de in’n Noorden över Bredenwisch un Neeland na Grootweurn löppt un in’n Süden in Himmelpoorten an de Bundsstraat 73 ran geiht.
De nächste Bahnhoff is de Bahnhoff Himmelpoorten an de Nedderelvbahn von Cuxhoben na Hamborg, wat keen Kilometer weg is.
Footnoten
Kategorie:Oort Kategorie:Landkreis Stood