Gisela Wessel (* 10. November 1930 in Hamborg; † 14. April 2020 ok dor) weer en düütsch Schauspelerin.
Leven Gisela Wessel hett en Schauspeelutbillen bi Ida Ehre un Eva Fiebig maakt. Nah eenig Johren as Schauspelerin in de Provinz kreeg se af 1962 en fast Engagement an dat Hamborger Ohnsorg-Theater.
Dör hör tallriek Rullen kunn se sowohl hör Talent as Charakterschauspelerin as ok in Kummedien wiesen. Besünners as Partnerin vun Edgar Bessen wurr se dör de tallriek Feernsehöverdragen ut dat Ohnsorg-Theater in’ NDR ok bundswiet bekannt.
Ok in eenig Hörspielproduktschonen vun den NDR weer se to hören, so to’n Bispeel in Homunkula (1961) as Titelheldin mit Hartwig Sievers un Karl-Heinz Kreienbaum, Weg un Umweg (1962) mit Rudolf Beiswanger un Jochen Schenck oder de Sennenreeg Familje Lammers (1966–1968) mit Otto Lüthje un Erna Raupach-Petersen.
Filmrullen (Utwahl) Johr Titel 1958 Die begnadete Angst, Feernsehn 1963 Vater Philipp, Feernsehn 1966 Diederk soll heiraten, Feernsehn 1966 Allzumal Sünder, Feernsehn 1970 Mensch sein muß der Mensch, Feernsehn 1971 Jonny der Dritte, Feernsehn 1977 Rum aus Jamaika, Feernsehn 1982 Doktur Puust, Feernsehn
Weblenken
Artikel in dat Hamburger Abendblatt: Gisela Wessel: Gut für Charakterrollen
Kategorie:Fru Kategorie:Börger von Düütschland Kategorie:Schauspeler Kategorie:Hamborg Kategorie:Boren 1930 Kategorie:Storven 2020