duum|Luftbild von Belen, de Münn von de Oost in’n Achtergrund (2012) duum|Lüchtfüür in Belen Belen () is en Oort in de Gemeen Belen (Samtgemeen Land Hadeln) in’n Landkreis Cuxhoben, Neddersassen.
De Öörd un Hööv Bahrdörp, Belenerdiek, Belener Schanz, Belenerwisch, Esch, Föfftendeel, Freudendaal, Hollannerhoff, Kammdiek, Königswisch, Mollfeld, Noordhöörn un Westerndörp hebbt al von öllers bi dat Kaspel un bi de polietsche Gemeen Belen mit bihöört.
Geografie
Belen liggt in de Masch an dat linke Över von de Elv, so üm un bi twee Kilometer af von’n Stroom. Twee Kilometer in’n Westen langs löppt de Haadler Kanaal un twee Kilometer in’n Oosten de Oost, de hier in de Elv münnt. An de Oost liggt ok dat Oost-Sparrwark mit’n Oost-See un dat Natureum.
An de Elv doot de beiden Naturschuulrebeden Haadler un Belener Butendiek un Oostmünn liggen.
De Naveröörd sünd Neehüserdiek un Hörn (wat bi Balje höört) in’n Oosten, Neehuus in’n Süüdoosten, Kedenbrook in’n Süüdwesten un Bahrdörp un Nackenbüttel in’n Westen.
Historie
Belen kummt an’n 23. März 1377 toeerst in de Oorkunnen vör, in en Verdrag twüschen dat Kaspel Belen un de Hansestadt Hamborg, in de de beiden Öörd toseggt, dat se sik nich mehr gegensiedig utrövern wüllt.
In’n Dörtigjohrigen Krieg is an de Oostmünn de Belener Schanz anleggt worrn.
Belen weer vör 1885 in’t Amt Neehuus un na 1885 in’n Kreis Neehuus. 1932 is dat an’n Kreis Land Hadeln kamen un 1977 denn an’n Landkreis Cuxhoben.
In’n Eersten Weltkrieg sünd 33 Soldaten ut Belen fullen oder vermisst un in’n Tweten 72http://www.denkmalprojekt.org/dkm_deutschland/belum.htm .
An’n 1. Juli 1972 hebbt sik de Gemenen Kedenbrook un Belen to de ne’e Gemeen Belen tohoopdaan.
In’n September 1970 is in Belen en Stellung von dat NATO-Flarak-System Hawk in Bedriev gahn.
Inwahnertall
Religion
duum|St.-Vitus-Kark Belen is evangeelsch-luthersch präägt un billt mit de St.-Vitus-Kark en egen Kaspel.
För de Kathoolschen is de Hillig-Krüüz-Kark in Oterndörp tostännig.
Wapen
Dat Wapen wiest op blauen Grund in’n Schildfoot en gollen Schanzkorv un dor över en gollen Merkurhoot mit Flünk.
Kultur
An de Kark steiht en Denkmaal för de Fullenen ut de twee Weltkrieg’.
Verenen
De Schützenvereen Belen is 1897 grünnt worrn un fiert sien Schützenfest an’t twete Wekenenn in’n Juni.
Weertschop un Infrastruktur
De Freewillige Füürwehr is an’n 27. September 1934 grünnt worrn. Vörher harr dat al siet 1880 en Plichtfüürwehr geven.
Verkehr
Belen liggt an de Bundsstraat 73, de in’n Süüdoosten na Neehuus, Kumbarg, Hemmoor/Basbeek/Warstood un Stood löppt un in’n Westen na Oterndörp, Olenbrook un Cuxhoben. Dor in Cuxhoben bütt de B 73 Ansluss an de Autobahn 27. Ans gifft dat lüttjere Straten na Bahrdörp, Neehüserdiek un Hörn.
Na dat Plaanfaststellungsverfohren 1954 is de enge Oortsdörfohrt Belen von de B 73 to en moderne Straat utboot worrn, de 1956 trech weer.Rudolf Lembcke: Kreis Land Hadeln. Geschichte und Gegenwart. Rutgever: Landkreis Land Hadeln. Bookdruckeree Günter Hottendorff, Oterndörp 1976, Sied 153
De nächsten Bahnhööv sünd de Bahnhoff Kumbarg un de Bahnhoff Oterndörp an de Nedderelvbahn.
För de Schipperee gifft dat dat 44 m hoge Bavenfüür Belen, en Toorn mit rood-witte Striepen un ümdreiht Kegeldack un dat 25 m hoge Neernfüür, dat ans jüstso utsütt un 1340 m von’t Bavenfüür af na Oterndörp to steiht. Dat Füür is 18 Seemielen wied to sehn.
De Lüchttoorn, de 1904 bi de Sandbank bi de Oostmünn boot worrn is, is 1982 dichtmaakt un 1983 afreten worrn.
Lüüd
De Politiker Ernst Cammann hett lang en Bueree-Bedriev in Belen bewirtschaft un weer ok Börgermeester von Belen. De Politiker Albert Rodegerdts is 1898 in Belen boren.
Weblenken
Footnoten
Kategorie:Oort Kategorie:Landkreis Cuxhoben