Köhlen is en Dörp un Oortschop in de Gemeen Geestland in’n Landkreis Cuxhoben, Neddersassen mit 987 Inwahners.

Geografie

En knappen Kilometer in’n Noorden von’n Oort flütt de Scheebeek langs, de in’n Westen von Köhlen in de Geest münnt.

De Naveröörd sünd Hainmöhlen un Wisswohl in’n Noorden, Lüttenhain un Grotenhain in’n Noordoosten, de Hööv in’n Süüdoosten, Geestenseth in’n Süden, Oolluunbarg in’n Süüdwesten un Ringst in’n Noordwesten.

De Navergemenen weren bet 2014 op en lütt Enn in’n Süden de Gemeen Beverst, Schippdörp in’n Westen, Ringst in’n Noorden un Lintig in’n Noordoosten. In’n Landkreis Rodenborg weer dat de Gemeen Hipst in’n Süüdoosten.

Historie

Verwaltungsgeschicht

Köhlen hett bet 1859 in dat Amt Beers legen un weer denn in dat Amt Leh. 1885 is dat Deel von’n Kreis Leh worrn un hett na 1932 to’n Landkreis Wersermünn tohöört. 1977 is de Landkreis Wersermünn denn Deel von’n Landkreis Cuxhoben worrn.

An’n 1. März 1974 is Köhlen Liddmaat von de Samtgemeen Beers worrn. Köhlen is to’n 1. Januar 2015 mit de annern Gemenen von de Samtgemeen Beers un de Stadt Langen to de Gemeen Geestland tohoopgahn. Köhlen billt nu en Oortschop mit egen Oortsraad binnen disse Gemeen.

Inwahnertall

Religion

Köhlen is evangeelsch-luthersch un evangeelsch-reformeert präägt un höört to dat Kaspel von de Simultankark St. Fabian in Ringst.

Wapen

Dat Wapen von Köhlen wiest op gollen Grund en swarten Schildfoot. Op’n Schildfoot en gollen „K“ un dor över twee gröne Ekentelgen mit je een Ecker.

Politik

Gemeenraat

CDU Fre’e Wählers 2006 8 1 2011 9 - (Stand: Kommunalwahl vun’n 11. September 2011)

Börgermeesters

Zeit Börgermeester Partei nöömt in en Orkunn von 1811 Henrich Hillebrandt nöömt in en Orkunn von 1858 Hillebrandt nöömt in Orkunnen von 1866–1873 Friedrich Döscher 1885–1919 Hinrich Claussen 1919–1924 Martin Döscher 1924–1928 Chr. Hillebrandt 1928–1940 Martin Döscher 1940–1943 Friedrich Cordes 1943–1948 Claus Hencken 1948–1972 Martin Döscher 1972–2011 Martin Döscher CDU 2011–31. Dezember 2014 Rainer Müller CDU

Ehrenbörgers

Ehrenbörgers von Köhlen sünd:

12. Januar 2011: Ina Müller 2014: Martin Döscher

Kultur

Verenen

De Schützenvereen Köhlen is 1877 grünnt worrn. De Oort hett ok en Freewillige Füürwehr.

Weertschop un Infrastruktur

Verkehr

Köhlen liggt an de Landsstraat 128, de in’n Noorden na Ringst un Hainmöhlen löppt un in’n Süden na Geestenseth un Wolljes. De K 39 löppt in’n Oosten na de Hööv. Ans gifft dat noch en lüttjere Straat na Lüttenhain.

De nächste Bahnhoff is de Bahnhoff Geestenseth an de Bahnlien Bremerhoben-Buxthu.

Lüüd

De Entertainerin Ina Müller is 1965 in Köhlen boren un ok de beiden Politikers Martin Döscher sen. (* 1905) un Martin Döscher jun. (* 1935) sünd ut dat Dörp.

Footnoten

Weblenken

Websteed von de Samtgemeen (plattdüütsch, hoochdüütsch) Websteed to dat Dörp (hoochdüütsch)

Kategorie:Oort Kategorie:Landkreis Cuxhoben