duum|Jürgen Christian Findörp Jürgen Christian Findörp (* 22. Februar 1720 in Loonborg; † 31. Juli 1792 in Bremervöör) weer Amtmann un Moorkolonisater in’t Düvelsmoor.
Leven Findörp is 1720 as Söhn von en Discher in Loonborg boren un hett mit 19 Johr de Warksteed von sien Vader övernahmen. Sien Broder weer Johann Dietrich Findörp. Vonwegen sien Geschick hett em de hannöversche Landbomeester feddert un Findörp is in Waterbo un Geodäsie utbillt worrn. Findörp harr dat Leid bi’n Bo von de Zionskark in Worpsweed (1757-1759) un hett later de Karken in Grasbarg (1781-1789) un Gnarrenborg (1784-1790) utklookt un boot.
In sien Hauptberoop weer he en Tied lang Amtsschriever bi dat Amt Zeven un is 1759 Amtsvaagd in Ne’enkarken worrn.
Von 1751 af an hett Findörp an de Moorkolonisatschoon arbeidt, en Projekt von’n Kurförsten von Hannover dat Moor twüschen Wümm un Hamm dröög to leggen.
An’n 20. September 1771 is he dör en Oorkunn von Georg III. offiziell Moorkommissar worrn. Findörp harr ok Andeel bi’n Bo von’n Hamm-Oost-Kanal (1769-1790) un von Oost-Swing-Kanal (vonaf 1772). Bet to sien Dood sünd op 140 km² Moorland 42 ne’e Dörper grünnt worrn.
An’n 31. Juli 1792 is Findörp in Bremervöör doodbleven un denn an’n 3. August 1792 in Isheim begraven worrn.
duum|Oost-Hamm-Kanal bi Findörp
Grünnt Öörd
1751 Wörpdörp 1753 Eekdorp 1755 Ströh 1756 Heudorp 1762 Rutendorp 1763 Lüningsee 1764 Lüninghusen 1764 Oostendörp 1764 Worphusen 1764 Westerweed 1776 Huttendorp 1777 Mehdörp 1778 Moorenn 1778 Mooringen 1780 Findörp 1780 Iseler (vondaag tohoop mit Neendamm Isheim) 1780 Kolheim 1780 Neendamm 1789 Huxfeld 1790 Postdörp 1790 Seehusen 1792 Middelsmoor 1796 Niedörp-Platendörp 1800 Adelsdorp 1800 Slussdörp 1805 Schrötersdörp 1808 Nee Mooringen
Ehren
1799 is op’n Weyerbarg bi Worpsweed en Obelisk to sien Gedenken opstellt worrn.
Nöömt na Findörp
Findörp, Gemeen Gnarrenborg Findörp, Stadtdel vun Bremen Findörpallee, Findörpstraat, Schoolzentrum Findörp un Findörptunnel in Bremen Findörp-Huus in Oosterholt-Scharmbeek Grundschool „Findörpschool“ in Oosterholt-Scharmbeek Findörp-Grundschool Isheim Findörp-Kark in Isheim Findörp-Huus, Museum mit Duurutstellung över Findörp un de Moorkolonisatschoon, in Isheim Findörp-Realschool in Bremervöör Hoffanlaag Findörphoff in Grasbarg Haupt- un Realschool „Findörpschool in Grasbarg Findörpstraat in Loonborg Findörpstraat in Worpsweed Findörpstraat in Oosterholt-Scharmbeek Jürgen-Christian-Findörp-Straat in Leendaal Grundschool „Findörp-Grundschule“ Needörp-Platendörp Findörp-Weg in Neenkerken
Weblenken
Kategorie:Mann Kategorie:Düütschland Kategorie:Boren 1720 Kategorie:Storven 1792