Nindörp () is en Dörp in de Gemeen Visselhöövd in’n Landkreis Rodenborg, Neddersassen.
Geografie
De Naveröörd sünd Bookholt in’n Noordoosten, Visselhöövd in’n Oosten, Kettenborg un Nee Wehnsen in’n Süüdoosten, Wehnsen in’n Süden, Jeddingen in’n Süüdwesten un Wittörp in’n Noordwesten.
Historie
935 kummt in en Tuuschverdrag von Hinnerk I. twüschen dat Bisdom Hamborg un en Eddelmann mit Naam Willari en Oort vör, de Nenthorp schreven worrn is. Dat is aver nich seker rut, wat för Oort dor mit meent weer. Dat kann ok angahn, dat dor von en annern Oort snackt worrn is.
Nindörp leeg vör 1885 in’t Amt Rodenborg, denn bet 1977 in’n Kreis Rodenborg un vondaag in’n Landkreis Rodenborg.
1974 is Nindörp Deel von de Gemeen Visselhöövd worrn.
In’n Tweten Weltkrieg sünd 36 Soldaten ut Nindörp fullen oder vermissthttp://www.denkmalprojekt.org/2009/visselhoevede_kirche_wk2_ns.htm .
Inwahnertall
Religion
Nindörp is evangeelsch-luthersch präägt un höört to dat Kaspel von de Johannis-Kark in Visselhöövd.
För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.
Oortsvörstänn
opstunns: Heinz-Friedrich Carstens
Kultur
En Denkmaal för de Fullenen ut Nindörp ut den Tweten Weltkrieg’ steiht in Visselhöövd bi de Kark.
Verenen
De Freewillige Füürwehr Nindörp is 1935 grünnt worrn un de Schützenvereen 1906.
Infrastruktur
Verkehr
Nindörp liggt an de Kreisstraat 207, de in’n Süden an de Landsstraat 171 ranlöppt un in’n Noorden na de Bundsstraat 440 rangeiht. Ans gifft dat noch Straten na de K 235 un na Visselhöövd.
De nächste Bahnhoff is de Bahnhoff Visselhöövd an de Bahnlien Ülzen–Langwedel.
Footnoten
Kategorie:Oort Kategorie:Landkreis Rodenborg (Wümm)