right|thumb|200px|Biréli Lagrène (2006)
Biréli Lagrène (* 4. September 1966 in Soufflenheim; (utspraken: ˈbiːrəlɪ) is en franzööscher Gitarrist, Komponist un Jazzmusiker.
Leven un Wark De Sinto Biréli Lagrène (in Düütschland ok: Bireli Lagrene) hett vun fröh Jöögd an mit sien Vader Fiso un sien Bröer Gaiti (franzöösch: Gaïti) Musik makt; sien eerst Schallplaat nehm he in dat Öller vun 12 Johren up. De eerst Johren vun sien Karriere wurrn begleit vun sien „Opdecker“, den slowaaksch Bassisten Jan Jankeje, bi de sien Label Jazzpoint Records ok de eersten Platten rutkeemen. Während disse Tiet speel Biréli Lagrène ok mit den US-amerikaansch Bassisten Jaco Pastorius tosommen. Lagrène gellt för so mennig een as en „legitimer Nahfolger“ vun Django Reinhardt, de sien Kompositschonen he nich blots kongenial interpreteert; he is sien Vörbild an Kreativität un in virtuoos Phraseeren ok ähnlich, ünnernimmt aber ok Utflöög in anner Speeloorden vun den Jazz, in latienamerikaansch Musikstile un sogor in de Klassik. In de Traditschoon vun de Sinti- bzw. Manouches-Musiker is Biréli Lagrène Multiinstrumentalist; neben de Gitarr beherrscht he Bass, Vigelien as ok Klaveer un speelt gelegentlich Slagtüüch.
Lagrène hett ünner annern mit folgend Musikers tosommenspeelt: Al di Meola, Larry Coryell, John McLaughlin, Vic Juris, Stochelo Rosenberg, Babik Reinhardt, Sylvain Luc, Gil Evans, Leon Redbone, Richard Galliano, Didier Lockwood un Diz Disley.
To sien Repertoire hörrn neben den Kompositschonen vun Django Reinhardt un völ eegen Kompositschonen ut den Sintiswing- un Modern-Jazz-Beriek ok eenig Interpretatschonen vun Pop- un Rocksongs as t.B. Time After Time vun Cyndi Lauper, I Shot The Sheriff vun Bob Marley un eenig Titel vun Jimi Hendrix. Up Blue Eyes präsenteert he sück ok as veritabler Jazzsinger. Aktuell is sien Gipsy Project, bi de he weer to sien Wuddels torüchkehrt is un mit völ Grötten vun de Szene tosommenarbeiten deiht.
Mike Dregni nennt in sien Kritik in dat Vintage Guitar Magazine van‘ Dezember 2002 dat Album Gipsy Project & Friends „ein wahres Meisterstück“ un de Besetten (Biréli Lagrène – Gitarr, Thomas Dutronc – Gitarr, Holzmanno Lagrène – Gitarr, Stochelo Rosenberg – Gitarr, Hono Winterstein – Gitarr, Diego Imbert – Kontrabass, Florin Niculescu – Geige un Henri Salvador – Gesang up Stück 7) en „Gypsyjazz-Lineup wie im Himmel gemacht“.
Up Djangology/To Bi Or Not To Bi, de 2007 rutkommen Düppel-CD, sünd eerstmalig Soloupnahmen vun Lagrène to hören (up de tweet CD speelt he mit de WDR Big Band Köln).
Diskografie (Utwahl) Routes To Django Biréli Swing '81 15 Stuttgart Aria Live (Pastorius) Heavy'n Jazz (Pastorius) Blue Eyes Acoustic Moments Duet (mit Sylvain Luc) Front Page (mit Dominique di Piazza und Dennis Chambers) Inferno Lagrene And Guests Live In Marciac Highlights Foreign Affairs My Favourite Django Standards Gypsy Project Gypsy Project & Friends Move Djangology / To Bi Or Not To Bi Electric Side Gypsy Trio feat. Roberto Alagna
Videografie
Super Guitar Trio And Friends Django : A Jazz Tribute Jazz à Vienne 2000 Jazz à Vienne 2002
Weblenken http://www.bireli.com DNB-Katalog Personennaamdatei
Kategorie:Jazzmusiker Kategorie:Börger von Frankriek Kategorie:Mann Kategorie:Gitarrenspeler Kategorie:Komponist (Jazz) Kategorie:Tatern Kategorie:Boren 1966