Oolluunbarg oder ok eenfach Luunbarg () is en Dörp in de Gemeen Schippdörp in’n Landkreis Cuxhoben, Neddersassen.

Bi Oolluunbarg höört von öllers ok de lüttjere Oort Haavkost mit bi.

Geografie

Oolluunbarg liggt an’n Rand von de Geest. De Stroom Geest is in’n Noorden so bi een Kilometer weg.

Dicht bi sünd ok de Naturschuulrebeden Fleinsee/Oolluunbarger See un In’n Gliesch.

De Naveröörd sünd Ringst un Köhlen in’n Noordoosten, Geestenseth in’n Süüdoosten, Wehdel in’n Süden un Sellst in’n Westen.

Historie

Dat eerste Maal in de Oorkunnen kummt de Naam von’n Oort 1194 vör.

In de Franzosentied von 1810 bet 1813 hett Oolluunbarg to de Kommuun Ringst in’n Kanton Beverst tohöört. Na de Franzosentied weer dat denn jüst as vörher wedder Deel von dat Gericht Beverst. Von 1851 bet 1859 hett de Oort to dat Amt Beverst un denn bet 1885 to dat Amt Leh tohöört. Na 1885 weer dat in’n Kreis Geestmünn. 1932 is dat Deel von’n Landkreis Wersermünn un 1977 von’n Landkreis Cuxhoben worrn.

1967 is de Gemeen Oolluunbarg Deel von de Gemeen Wehdel worrn un denn 1974 tohoop mit Wehdel Deel von de Gemeen Schippdörp. Dat is ok de Grund, dat de Oortsbörgermeester von Wehdel vondaag ok för Oolluunbarg mit tostännig is.

In’n Eersten Weltkrieg sünd twölv Soldaten ut Oolluunbarg fullen oder vermisst, un in’n Tweten 21http://www.denkmalprojekt.org/2009/wehdel-altluneberg_wk1u2_ns.htm.

Inwahnertall

Religion

Oolluunbarg is evangeelsch-luthersch präägt un billt dat Kaspel Oolluunbarg. De Kark is in de Tied üm 1550 boot worrn.

Wapen

Dat Wapen von Oolluunbarg wiest op sülvern Grund en roden Toorn mit Tinnen, de op en roden Schildfoot steiht, dör den en sülvern Wellenlien dörgeiht. Rundüm is en swart Rand mit 14 sülvern Placken.

Kultur

In Oolluunbarg steiht en Denkmaal för de Fullenen ut de twee Weltkrieg’.

Verenen

De Schützenvereen Oolluunbarg is 1912 grünnt worrn.

Weertschop un Infrastruktur

Oolluunbarg hett en egene freewillige Füürwehr.

Verkehr

Von Oolluunbarg gaht Straten na Wehdel un Geestenseth, de all bei an de Landsstraat 143 ranloopt. Ans gifft dat noch en Straat na Ringst.

De nächste Bahnhoff is de Bahnhoff Wehdel an de Bahnlien Bremerhoben–Buxthu.

Footnoten

Weblenken

Websteed to dat Dörp (hoochdüütsch)

Kategorie:Oort Kategorie:Landkreis Cuxhoben