Helljes () is en Dörp in de Gemeen Holste (Samtgemeen Hambargen) in’n Landkreis Oosterholt, Neddersassen.
Geografie
De Naveröörd sünd Wellen in’n Noorden, Ooldwist un Ah in’n Noordoosten, Kuhs un Siedlung Kuhs in’n Oosten, Steern un Paddewisch in’n Süden, Ollendörp in’n Süüdwesten un Bruunshusen in’n Noordwesten.
Historie
1974 hett sik Helljes mit de Gemenen Ollendörp un Steern tohoopdaan un de ne’e Gemeen Holste billt, de ehren Naam von de Anfangsbookstaven von de dree Dörper hett (Helljes, Ollendörp, Steden).
Bet 1851 hett Helljes to dat Gericht Beverst tohöört un is denn Deel von dat Amt Beverst worrn. 1859 is dat Amt denn aver al wedder oplööst worrn. Helljes keem nu an dat Amt Leh, is aver noch in’t sülve Johr dör en Verordnung in dat Amt Oosterholt wesselt.Sammlung der Gesetze, Verordnungen und Ausschreiben für das Königreich Hannover: vom Jahre 1859. Kius, 1859, Sied 693 1885 is de Oort Deel von’n Kreis Oosterholt worrn.
Inwahnertall
Religion
Helljes is evangeelsch-luthersch präägt un höört to dat Kaspel von de Fabian-un-Sebastian-Kark in Beverst.
För de Kathoolschen is de Hillige-Familie-Kark in Oosterholt-Scharmbeek tostännig.
Kultur
Verenen
De Schützenvereen Helljes is 1954 grünnt worrn.
Infrastruktur
Verkehr
Helljes liggt an de Kreisstraat 28, de in’n Süden bi Wallhöben an de Bundsstraat 74 ranlöppt un in’n Noordwesten an de Landsstraat 128. Lüttjere Straten loopt ans na Wellen un Kuhs.
De nächste Bahnhoff is de Bahnhoff Stubben an de Bahnlien Bremen–Cuxhoben.
Footnoten
Kategorie:Oort Kategorie:Landkreis Oosterholt