Elisabeth „Ellis“ Kaut (* 17. November 1920 in Stuttgart; † 24. September 2015 bi Fürstenfeldbruck) war en düütsch Kinnerbookschrieverin, de dör dat Utfinnen vun Pumuckl internatschonal bannig Spood harr. Se hett buterdem noch Novellen för Utwussen un eenig Bildbannen verfaat.
Leven Kaut keem dör dat Ümtrecken vun hör Öllern in hör tweet Levensjohr in de bayerische Landshööftstadt München. Mit 18 Johr wurr se to dat offiziell Münchner Kindl vun dat Johr 1938 küürt. Mit 19 Johren hett se an' 21. November 1939 den Schriever Kurt Preis heiraadtBiografie von Gabriele Meinhard un bleev in München; de gemeensam Dochter Ursula wurr 1945 boren. Nah en Schauspeelutbillen studeer Ellis Kaut Bildhaueree. Siet 1948 is se free Schrieverin un övernehm in de 1950er un 1960er Jahren Spreekrullen bi Hörspelen. Bi den Bayerischen Rundfunk hett se Kinnersennen betrüet. Dorneben hett se sück aber ok mit Maleree un Fotografie befaat. In' Gegensatz to disse Tätigkeiten is aber dat Schrieven för hör immer hart Arbeit ween, hett se 2010 in en Interview seggt."Ja, mei!" - Ellis Kaut im Interview mit MAGDA, dem Magazin der Autoren . To hör literarisch Warken harr se immer en groot Afstand harrt.
Mit hör Stiften to dat Fördern vun dat Lesen un de Jöögdliteratur regt se dorto an, sück mit Böker vun hör Genre to befaaten.
Ellis Kaut is Wittfru un leevt in den Münchner Stadtdeel Pasing.
Pumuckl, de Kobold
Kaut is de Schrieverin vun Geschichten över den Kobold PumucklFAZ van 17. November 2010, Seite 31: Der Klabautermann aus dem Lehel, afroopen an' 1. Januar 2011, de bi den Dischler Eder in de sien Warkstäe rumspööken deiht. Tonächst 1962 al Hörspeel vun den Bayerischen Rundfunk sennd, funnen de Pumuckl-Geschichten bi Kinner ok as Bokk, Schallplatte/Kassette, CD oder DVD un as Feernsehreeg goot Tospröök. Intüschen sünd rund 100 Geschichten entstahn, in de Pumuckl för Upreegen un Verwicklungen tostännig is. De 52-deelig Feernsehserie, as ok de Hörspeelreeg mit Alfred Pongratz un later Gustl Bayrhammer as Meister Eder un Hans Clarin, de Pumuckl sien Stimm lehnt hett un 2002 sülvst den Arven un Cousin vun den Meister Eder speel, hett för en bundswiet Bekanntheit vun de Figur sörgt.
In dat oberbayerischen Ohlstadt gifft dat mittlerwiel en Pumuckl-Museum.
Anner Warken Neben den Pumuckl sünd ok de Geschichten vom Kater Musch as ok Fehlerdüvelgeschichten en breet Publikum bekannt. Todem stammt vun hör dat Kinnerbook Schlupp vom grünen Stern, dat 1974 in' Südwest-Verlag rutkeem un 1986 vun dat Marionettentheater Augsburger Puppenkiste verfilmt wurr.
Ehrungen un Utteknungen 1955: Bayerischer Hörspeelpries 1980: Verdeenstkrüüz 1. Klass 1980: Medaille „München leuchtet“ 1984: Ernst-Hoferichter-Pries 1985: Bayerischer Verdeenstorden 1992: Poetendaler 1999: Oberbayerischer Kulturpries 2001: Pro meritis scientiae et litterarum 2002: Bayerische Verfassungsmedaille in Sülver
Weblenken DNB-Katalog Websteed vun Ellis Kaut Körtbiografie Petra Hallmayer: „Das Kleben am Glück“, Frankfurter Rundschau, 16. November 2010 Personennaamdatei
Enkeld Nahwiesen
Kategorie:Fru Kategorie:Börger von Düütschland Kategorie:Schriever Kategorie:Dräger vun’t Bundsverdeenstkrüüz Kategorie:Boren 1920 Kategorie:Storven 2015