Folkert Krey (* 16. Januar 1692 in Buttfoor; † 21. Oktober 1775 ok dor) weer en Dörpschoolmeester, Organist un Verfaater vun en bekannt Reekenbook för oostfreesch Volksscholen.
Leven Folkert Krey entstamm vun sien Moders Siet en old inseeten Familie ut Buttfoor. Sien Vader weer de in Eggelingen boren Hermann Krey (1656 - 1727), sien Moder Alget Folkerts (1664 - 1724). He weer dat öldste Kind vun fiev Kinner.Genealogie-Net: Livres local d'heritage Stedesdorf, Burhafe, Dunum - Rapport de famille; afroopen an’ 11. Mai 2011
In eerst Ehe weer Folkert Krey mit de ok ut Buttfoor stammen Anna Elisabeth Helmrichs verheiraadt. Mit hör harr he twee Döchter un veer Söhns. Twee Johr nah de Dood vun sien Fru hett he an’ 23. April 1754 de in Reepsholt boren Anna Catharina Leiner (1704 - 1782) heiraadt. Of he mit de noch Kinner harrt hett, weet man nich.Genealogie-Net: Livres local d'heritage Stedesdorf, Burhafe, Dunum - Rapport de famille; afroopen an’ 11. Mai 2011
Krey wark as Dörpschoolmeester un Organist vun der St.Marien-Kark vun Buttfoor. Över de eng Grenzen vun sien Dörp bekannt wurrn is Folkert Krey dör de Herutgaav vun en plattdüütsch Reekenbook, dat lang Tiet in oostfreesch Scholen brukkt wurrn is. De Bekanntheitsgrad vun dit Reekenbook wiest sück ok in en spreekwöörtlich Redewennen, de ok hüüd in Oostfreesland hier un dor bruukt wurrd:Zeno: Redewendungen zu Sicher; afroopen an’ 10.Mai 2011 Zitat: Dat is so seeker as twê mal twê vêr sünd, na Folkert Krey sîn Rekenbôk. Noch 1839, also ruch weg hunnert Johr nah den eersten Druck, geev dat all de 15. Uplaag vun dit Reekenbook. Dat wurr domals vun den Lehrer Hofmann ut Blersum besörgt.Dettmar Coldewey: Frisia Orientalis. Daten zur Geschichte des Landes zwischen Ems und Jade, Wilhelmshaven 1967, S. 26
Warken in Utwahl Rekenbook (1738); 15. Uplaag: 1839 (bearbeit vun Hofmann, Blersum)
Literatur Heinrich Drees: Die Schule Buttforde von 1681 bis 1815. Chronik der Schule in Buttforde, in: Heimatklänge, Bilaag vun den Anzeiger für Harlingerland'' van’ 28. Mai 1931
Enkeld Nahwiesen
Kategorie:Mann Kategorie:Oostfreesland Kategorie:Storven 1775 Kategorie:Boren 1692