Ernest Shackleton

miniatur|Ernest Shackleton (fotografeert vun Nadar, circa 1909) miniatur|Shackletons sien Signatur Sir Ernest Henry Shackleton [ˈɜɻnɛst ˈhɛnɻi ˈʃækəltən] CVO, OBE (Mil.), LL.D,Mill, The Life of Sir Ernest Shackleton, Titelsiet. OLH„Ernest Shackleton dies on antarctic trip“, The New York Times van’ 30. Januar 1922, S. 4 (afroopen an’ 25. Oktober 2011). (* 15. Februar 1874 in Kilkea, County Kildare, Irland; † 5. Januar 1922 in Grytviken, Süüdgeorgien) weer en brietsch Polarforscher mit iersch Wuddels un en vun de belangriekst Persöönlichkeiden in dat Gollen Tiedöller vun de Antarktisforschen.Tyler-Lewis: The Lost Men, S. 12: Nah Inschätzung vun John King Davis (1884–1967), Deelnehmer an Shackletons sien Nimrod-Expeditschoon un in later Johren en vun de bedüüdenst Navigatoren in de Antarktisforschen, hannelt sück dat bi disse Epoche angesichts vun hör technisch Untolänglichkeiten völmehr um de Steentiet vun polar Forschensreisen (ziteert ut John King Davis, High Latitude, University Press, Melbourne 1962, S. 101). He nehm an veer Antarktisexpeditschonen deel, vun de he bi dree ok de Baas weer.

Överblick Sien eerst antarktischen Beleevnissen hett Shackleton as Darde Offzeer bi de Discovery-Expeditschoon maakt. Baas vun de Expeditschoon weer Robert Falcon Scott, de Shackleton wegen schienbaar gesundheidlich Problemen 1903 na Huus schickt hett.

Mit de Afsicht sien Ehr to redden keem Shackleton 1908 as Baas vun de Nimrod-Expeditschoon in de Antarktis torügg. In’n Januar 1909 stell he tosamen mit dree Begleiders en nee Rekord up un keem so dicht an en vun de beid geograafsch Eerdpolen as keen Minsch tovör, ehrdat se bi un noch 180 km vun den Süüdpool weg ümkehren mussen. För disse Verdeenst hett König Edward VII. Shakleton to’n Ridder slaan.

Nadem dat de Norweger Roald Amundsen 1911 an de Süüdpool ankamen weer, richt Shackleton sien Oog up de letzt groot Upgaav, de in de Antarktisünnersöök noch bleven weer: Dwars dör den antarktischen Kontinent vun Küst to Küst över den geograafschen Süüdpool weg dörtolopen. Doch ok mit disse Expeditschoon, de as Endurance-Expeditschoon bekannt is, is he nich bit an’t Enn komen. Dat Expeditschoonsschipp is in de Weddellsee ünnergahn, nadem dat Packies dat Schipp kaputtdrückt harr. Mit sien aventüürlich Noodhölpaktschoon, för de Shackleton veel bekannter is, as för sien wetenschapelich Bidrääg to de Antarktisünnersöök, kunn he all Expeditschoonsdeelnehmers för den sekeren Dood bewahren.

1921 führ hüm de Quest-Expeditschoon en letzt Maal in antarktisch Water. Noch ehrdat sien Expeditschoon richtig anfungen weer, is Shackleton in Grytviken up Süüdgeorgien wegen enen Slag in’t Hart doodbleven un liggt up Wunsch vun sien Fru ok up dat Eiland begraven.

Afsehn vun sien Expeditschonen harr Shakleton een untofreden Leven sünner Rast un Roh. Up de Söök na Weeg, so gau as dat geiht groot Ansehn un Riekdom to kriegen, versöch he sik mit vööl egen Ünnernehmen enen Naam to maken, de hebbt man all keen Been op de Eer kregen un sünd fehlslaan. An’n Levensenn weer Shackleton hoog verschullt. Ofschoonst de Naroop in de Press em as Held fiert harr, hebbt de Lüüd sien Naam, anners sien Rivaal Scott, gau vergeten. Eerst üm de Johrdusendwenn wurr Shackleton sien Verdeenst weer updeckt.

Herkomen miniatur|hochkant=0.5|Familienwappen Ernest Shackleton keem im Kilkea House, (afroopen an‘ 23. Juni 2010) en Landhuus dicht bi Athy, as tweed vun teihn Kinner (Foto vun ca. 1890): (v.l.n.r.) Kathleen (1884–1961), Ethel (1878–1935), Clara (1881–1958), Frank (1876–1941), Amy (1875–1953), Ernest, Eleanor (1879–1960), Alice (1872−1938), Gladys (1887–1962) un Helen (1882–1962) (afroopen an‘ 30. Juli 2010). up de Welt. Sien Öllern weren de Grundbesitter Henry Shackleton (1847–1920) un de sien Fru Henrietta Letitia Sophia (boren Gavan, 1845–1929). (afroopen an‘ 24. Juni 2010). Eng verbunnen mit sien later Leven is de Ümstand, dat de HMS Challenger op den Dag na sien Geboort as eerst Schipp mit tosätzlichen maschinellen Andriev över de süüdlichen Polarkreis föhren dee.Riffenburg, Nimrod, S. 38. Shackleton sien Vörfohren vun Vaders Sied, de hör Lien sück bit in dat 13. Johrhunnert torüggverfolgen lett, weren Quäker ut de noordengelsch Graafschap Yorkshire, de all sied1720 in Irland leven deen.Riffenburgh, Nimrod, S. 36. Mit den engelschen Seefohrer Martin Frobisher weer he wiedlopig verwandt.Mill, The Life of Sir Ernest Shackleton, S. 4. Shackleton sien eenzig Bröör Francis (afroopen an‘ 24. Juni 2010) (nöömt Frank, 1876–1941) keem 1907 in Verdacht, dat he an den Roov vun de irisch Kroonjuweelen bedeligt weer.Huntford, Shackleton, S. 227–228.

Dat Motto vun de Familie Shackleton, de hör Naam sück vun een lütt Dörp dicht bi Heptonstall in Yorkshire afleidt, is „Fortitudine Vincimus“ (in‘t Engelsch: „by endurance we conquer“, sovööl as: „Dör Utdüür to’n Sieg“).Mill, The Life of Sir Ernest Shackleton, S. 8. Dat Familienwapen, dat sied rund 1600 besteiht draggt dree gollen Spangen up roden Grund.

Faken wurr versöcht, Shackleton sien Charakter vun sien Herkomen aftoleiden, man na Ansicht vun sien Biographen Margery un James Fisher drippt dat nich to kort beschreven.Fisher, Shackleton, S. 1.

Fröh Levensjohren Kindheid un Jöögd (1874–1890) miniatur|De 11-johrig Ernest Shackleton Wegen de Land War un allgemeen de Ünnergang vun de Bueree in Irland to’n Enn vun dat 19. Johrhunnert hen, hett sück Shackleton Vader besloten, en nee Beroop to söken. 1880 truck de Familie na Dublin, wo Henry Shackleton an dat Trinity College in de tokomen veer Johren Medizin studeer. In’n Dezember 1884 hett de Familie Irland verlaten, un Shackleton sien Vader hett en Praxis as Dokter in Croydon nich wied vun London apen maakt. Na söss Maand hett he de man ok all weer upgeven, man hett dat dann trechtkregen sük in Sydenham as Dokter daal to laaten.Huntford, Shackleton, S. 6–9.

Sied fröhest Jöögd weer Ernest Shackleton heel van Böker un dat Lesen andaan. Togang to Literatur un Lyrik kreeg he dör sien Vader. Besünners de Avetdüürerromaans vun George Alfred Henty (1832–1902) un vun Jules Verne behagen hüm.Kimmel, Ice Story, S. 4–5. Sien leevst Book schall Life with the EsquimauxHall, Charles Francis: Life with the Esquimaux. Low, Son & Marston, London 1864, Vol. I und Vol. II (afroopen 7. Januar 2010). vun de Polarforscher Charles Francis Hall ween hebben.Riffenburgh, Nimrod, S. 44. Ümdat he heel geern na verburgen Schatten söch, sien Drang na Unafhängigkeit, de al fröh to seen weer, un sien Drift, de anner mitrieren kunn un hüm ok as Utwussen bewohrt bleev, sünd vööl Anekdoten överlevert. To Anfang vun sien Schoolloopbahn wurr Shackleton vun en Schoolmeistersche tohuus ünnericht. Sieddem dat de Familie in Sydenham wahnen dee, hett he de Fir Lodge Preparatory School besöcht. Sien Mitschölers hebben hüm as för sien Öller groot un kräftig baut un as fründlich un goodsunnen beschreven.Mill, The Life of Sir Ernest Shackleton, S. 23. He harr man ok kribbelig un körtkoppt und brruuk ok woll maal de Füüst, wenn een wat Slects över sien Heromen oder sien irischen Akzent seggt hett.Riffenburgh, Nimrod, S. 37.

Bi Sömmerdag 1887 is Shackleton an dat beropen Dulwich College wesselt. Den Ünnerricht, op den de Grootmachtsanspröök vun dat British Empire groten Inflood nehmen un to den sien wichtigst Bausteen christlich Militarismus un militärisch Döögden tellen deen,Riffenburgh, Nimrod, S. 43. beschreev Shackleton sülvst as langwielig. Över Geografie un Literatur hebb ik in de School nie vööl lehrt.Huntford, Shackleton, S. 6. Sien Schoolmeisters bekeken hüm nich as besünners gooden Schöler, den he scheer sück en Schiet wat um den Ünnerricht.Riffenburgh, Nimrod, S. 45. Ziteert Originaldokument: Mrs. J.Q Rowett in‘ Gespräch mit Schriever James Fisher (1912–1970), SPRI MS 1456/75. Shakleton hett man liekers 1890 as de Fievtbest vun 30 Schölers sien Johrgang afsloten.Mill, The Life of Sir Ernest Shackleton, S. 24.

Deenst bi de Hannelsmarine (1890–1901) miniatur|Shackleton as Seekadett up de Hoghton Tower Shackleton sien Vader wull eegentlich, dat he Medizin studeert. He hett denn man doch inwilligt, dat sien Söhn in de Seefohrt sien Utkomen söken kunn. Um dat he man en Lehr up de Britannia, dat Schoolschipp vun de Royal Navy, nich betahlen kunn, hett he den 16-johrigen Ernest na de Hannelsmarine schickt.Riffenburgh, Nimrod, S. 46. Shackleton hüür in’n April 1890 in Liverpool as Seekadett up de Hoghton Tower, (afroopen an‘ 23. Juni 2010) en Rahsegler vun de North Western Shipping Company, an.Huntford, Shackleton, S. 11. In den tokomen veer Johr hett he dat Schippshandwark vun Grund up lehrt, hett feern Länner besöcht un harr Umgang mit Minschen uut verschedenst Länner un Schichten.Huntford, Shackleton, S. 13–18. Glieks de eerst Reis führ hüm winterdaags bi swoor Storms um Kap Hoorn na Valparaíso un Iquique, wo dat Schipp söss Week lang löscht un nee Fracht an Boord nohmen wurr. Dorbi hett Shackleton ok lehrt, wu man Fracht mit Hülp vun Bööt ahn Schaden tüschen en Schipp un de Küst hen un her transporteert – Techniken, de he bi sien latern Expeditschonen good bruken kunn.Riffenburgh, Nimrod, S. 49. An dree Seereisen up de Hoghton Tower hett Shackleton deelnohmen, bevör he in’n Juli 1894 an de Seefohrtschool in London gung un dor up den 4. Oktober dat Examen as Tweed Offzeer bestahn hett.Mill, The Life of Sir Ernest Shackleton, S. 43.

En Schoolfrüend vun dat Dulwich College harr Shackleton in’n November 1894 den Posten vun en Darten Offzeer up dat Trampschipp Monmouthshire mit Kurs na Feern Oost vermiddelt. En tweed Reis up dat sülvig Schipp führ hüm na China.Mill, The Life of Sir Ernest Shackleton, S. 45–48.

Up de 24. Januar 1895, as Shackleton in’n Indischen Ozean weer, is Carsten Egeberg Borchgrevink mit de Antarctic-Expeditschoon bi dat Cape Adare an Land gahn un stell för sück de Anspröök, dat he as eerst Minsch de Foten up antarktisch Fastland sett hett.Carsten Egeberg Borchgrevink, Informatschonen up southpole.com (afroopen an‘ 20. Dezember 2011). Dissen Anspröök kunn Borchgrevink nich endgültig geltend maaken. Man nimmt an, dat dat antarktische Fastland all dör John Davis oder Edward Bransfield eerstmals betreden wurrn is. De Tofall wull dat, so as Shackleton later vertell, he akkeraat to diss Tied besloten harr, dat he Polarforscher warrn wull.Riffenburgh, Nimrod, S. 57.

As he 1896 vun sien tweed Reis up de Monmouthshire torügg keem, hett he dat Examen as Eerst Offzeer afleggt. Na sien Tied as Tweed Offzeer up de Flintshire, en Dampschipp vun de Welsh Shire Line, kreeg he 1898 toletzt in Singapur dat Kapitänspatent.Mill, The Life of Sir Ernest Shackleton, S. 49–50. As Anstellten vun de Union-Castle Line weer Shackleton dann up dat Lienschipp Tantallon Castle (afroopen an‘ 20. Dezember 2011) in’n Post- un Passagierverkehr tüschen Southampton un Kapstadt togang. En Schippskamerad beschreev hüm as wied weg vun den Charakter, de normaal jung Offzeren hebben, egenlöpersch man nich körtof, na Keats un Browning ziteert, en Mengsel ut Fienföhligkeid un Aggressivität un doch sympathisch.Huntford, Shackleton, S. 20–23. As 1899 Buren-Krieg uutbrok, wurr Shackleton Dard Offzeer up de Tintagel CastleFoto vun de Tintagel Castle (afroopen an‘ 20. Dezember 2011) för den Transport vun Suldaten in de Kapkolonie. In Kapstadt is he dorbi mit Rudyard Kipling tosomendrapen, den he as bekenntt Co-Schriever för sien eerst egen Book winnen wull.Mill, The Life of Sir Ernest Shackleton, S. 54. Bi dat Book hannelt sück dat um dat Wark O.H.M.S. An illustrated record of the voyage of S.S. >Tintagel Castle<.