Deborah Baxter (* 27. Januar 1954Biografie in de IMDb) is en britsche Schauspelersche.
Leven un Wark Baxter weer in England boren. In’t Öller vun twölf Johren weer se ut ruchweg dusend Kandidaten för de Rull Emily Thornton in den Film A High Wind in Jamaica utwählt, nadem se vun de Talentsökersche Maureen Roscoe opdeckt worrn weer. För disse Rull weer de junge Deern düchtig loovt. Se hett dorna veel op de Bühne arbeit, keem teihn Johr later aver torüch na’n Film un speel in The Wind and the Lion vun John Milius de Dochter vun den US-Präsident Theodore Roosevelt. Milius hett ehr för disse Rull hebben wullt, vunwegen dat he vun ehr Speel in den eersten Film düchtig andahn weer.
Kort na ehr tweete Filmrull hett se heiraat un is vun’n Film weggahn, üm Tiet för ehr Familie to hebben. Liekers hett se wieterhen Theater speelt un weer ok in’t Feernsehnrullen to sehn. In’n Speelfilm weer se 2000 noch einmal mit en lütte Rull in The Calling to sehn. Baxter leevt vundaag mit ehrn Mann, en Afkaat, tohopen in Süüdfrankriek.
Filmografie Johr Titel Synchroonsnacker 1965 A High Wind in Jamaicadt.: Sturm über Jamaika 1975 The Wind and the Liondt.: Der Wind und der Löwe 1975 My Honourable Mrs, Feernsehepisood 1976 Clayhanger, Feernsehepisood 2000 The Calling
Borns
Weblenken
offizielle Websteed vun Deborah Baxter (engelsch)
Kategorie:Fru Kategorie:Schauspeler Kategorie:Börger von Grootbritannien Kategorie:Boren 1954