Wangersen is en Dörp in de Gemeen Ohlers in’n Landkreis Stood, Neddersassen. To den Oort höört ok de lüttjeren Öörd Lütt Wangersen un Hogenhusen.

Geografie

Wangersen liggt op de Stoder Geest. De Born von’n Knüllbeek liggt dicht bi dat Dörp.

De Naveröörd sünd Ottendörp in’n Noorden, Bokel un Ohrenswohl in’n Noordoosten, Lütt Ippens in’n Süüdoosten, Sellhorn in’n Süden, Steddörp in’n Süüdwesten un Wens un Viehbrook in’n Westen.

Historie

De öllste Nawies, dat Minschen in de Gegend von Wangersen leevt hebbt, sünd ole Hünenbedden in de Feldmark. Von fröher 32 is aver bloot noch een nableven.

Dat eerste Maal in de Oorkunnen kummt Wangersen as Wagersen an’n 11. November 1105 vör. Disse Oorkunn hannelt von dat Utstafferen för dat ne’e Klooster Katelnborg dör Adela von Katelnborg.

Vör 1885 weer dat Dörp in de Böörd Ohlers binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

In’n Eersten Weltkrieg sünd 18 Soldaten ut Wangersen fullen oder vermisst un in’n Tweten 33http://www.denkmalprojekt.org/dkm_deutschland/wangersen_wk1u2_ns.htm .

Von’n 1. Januar 1971 bet to’n 1. Juli 1972 weer de Oort Liddmaat von de Samtgemeen Ohlers. Mit de Gemeenreform in Neddersassen an’n 1. Juli 1972 is de fröher sülvstännige Gemeen Wangersen mit de Gemeen Ohlers tohoopleggt worrn.

Inwahnertall

Religion

Wangersen is evangeelsch-luthersch präägt un höört to dat Kaspel Ohlers.

För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört. duum|Kark in Wangersen Wangersen hett aver ok en egen Karkengebüüd von de Neeapostoolsche Kark.

De Oort hett en egen Karkhoff, de an de Karkhoffstraat liggt.

Weertschop un Infrastruktur

duum|Füürwehrhuus in Wangersen Wangersen hett en egene freewillige Füürwehr, de 1935 grünnt worrn is.

Verkehr

Wangersen liggt an de Landsstraat 124, de in’n Süüdwesten na Steddörp, Heeßel un Zeven föhrt. In’n Noordoosten löppt de L 124 na Ohlers un Harsfeld. Na Oosten geiht von de L 124 de L 127 af, de na Ohrenswohl un Obbens löppt. Lüttjere Straten gaht ans na Sellhorn un Ottendörp.

Kultur duum|Heimaathuus in Wangersen En Denkmaal för de Fullenen ut de twee Weltkrieg’ steiht op’n Karkhoff.

Dat Heimaathuus Wangersen, en utboot oold Neddersassenhuus, is an’n 13. Juni 1992 inweiht worrn.

Literatur

Ewald Albers: Wangersen: früher und heute, 1105-2005. Heimatvereen Wangersen, 2005

Footnoten

Weblenken

Websteed över Wangersen (hoochdüütsch)

Kategorie:Oort Kategorie:Landkreis Stood