thumb|Jakobus de Ollere ut en Fresko an de Kathedraal vun Le Puy-en-Velay Jakobus de Öllere, (Hebrääsch יעקב בן־זַבדַי Ja'akov ּBen-Savdai, Latiensch Iacobus Maior „Jakobus de Grote“, lat. ok Iacobus Zebedaei „Jakobus Zebedäus“, up Spaansch Santiago;in Bremen up Platt Juxmajor nömmt, is en Jünger un Apostel vun Jesus vun Nazaret. Sien Binaam de Öllere hett he kregen to'n Unnerscheed vun den annern Jünger mit Naam Jakobus, de Jakobus de Jüngere nömmt wurrn is.
Jakobus in de Bibel He warrt to’n Jünger beropen, as he tosamen mit sien Broer Johannes up dat Schipp vun sien Vadder Zebedäus togange isKiek bi dat Evangelium na Matthäus 4, 21ff Unner Umstänn is he en Neffen vun Jesus weenvergliek Matthäus 27,56, Evangelium na Markus 15,40 un 16,1 un Apenbarung vun Johannes 19,25 In de dree Johre, wo Jesus rumwannern dö, weer Jakobus jummers in siene Neegde. He is een vun de dree wichtigsten Jüngers wurrn, na sien Broer Johannes un Simon Petrus.Kiek bi Matthäus 17,1 un 26,37 un Lukas 8,51). In de Apostelgeschicht steiht to lesen, dat he dör Herodes Agrippa I. mit dat Sweert to Dode brocht wurrn is. Dor weer he de eerste Merteler mank de Jüngers oder Apostels mitKiek bi Apostelgeschicht 12,1f :
Um de dore Tied rüm lä König Herodes Hand an welk vun de Gemeende, he wull ehr Leegs andoon. He richt Jakobus, Johannes sienen Broder, mit’t Sweert hen.In Karl-Emil Schade siene Oversetten
Jakobus de Öllere hett nich den Breef vun Jakobus schreven, de in de Bibel upnahmen wurrn is. Düsse Breef is, so warrt dat overlevert, vun Jakobus den Gerechten schreven wurrn, vun Jesus sien Broer. ´
Schutzpatroon, Kennteken un Naamsdag In de christliche Ikonographie is de Schell vun de Sankt-Jakobsmussel dat Kennteken vun Jakobus den Ölleren. De is anmaakt an sien Hoot, Mantel oder Büdel.Hall, J. (2000). Hall's Iconografisch Handboek. Leiden: Primavera Pers. De Sankt-Jakobsmussel hett ehrn Naam dorvun kregen. Ok warrt he faken afbillt mit en Staff, dat Kennteken vun de Pilgerlüde.
De Orden vun Sankt Jakob vun dat Sweert hett Jakobus den Ölleren as Schutzpatroon utwählt. Na de Legenn weer sien Graff up dat „Steernfeld“ in Santiago de Compostela funnen wurrn. En Steern harr dor den Weg wiest. Ok in de Graafschop Holland hett dat en Orden vun Sankt Jakob geven.
Dat warrt vertellt, dat König Ordoño I. in dat Johr 859 in en Slacht gegen de Mauren stunn, as siene Armee miteens unverwacht Hölp kregen hett vun en afsunnerlichen Riedersmann. De keem bi un slöög de Mauren doot, so dat de Slacht wunnen wurrn is. Dat lett, as wenn de Rieder numms anners ween is, as Sankt Jakob (Santiago). Vun dor af an hett he in Spanien ok den Titel Matamoros (Maurenslachter). Vun dor af an keem ok de Saak mit den Jakobsweg in’n Gang.
Sien Naamsdag is up’n 25. Juli. In de Orthodoxe Karken liggt he up’n 30. April. He is de Patroon un Schutzhillige vun Spanien (sunnerlich vun Galizien un Santiago de Compostela), Antigua, Guatemala, Chile (sunnerlich Santiago de Chile), Loíza, Medjugorje, Montréal, Nicaragua, Pistoia, Sint-Jacobiparochie, Den Haag, Kemzeke un vun de Suldaten, Rieders- un Kriegslüde, Arbeidslüde, Lastendreegers, Hootmakers, Bunt- un Pelzwarkers, Strumpmakers, Smeelüde, Afthekers un Drogisten, Tierdokters un Pilgerslüde un he schall ok helpen gegen Rheuma un Arthritis un for goot Weer un dat Wassen vun Appels un Feldfrüchte.
Wat een weten schall An’n 25. Januar 2007 is in dat Auktschoonshuus Sotheby’s dat Wark "Portret van St.-Jacob de Meerdere" vun Rembrandt ut 1661 for $ 25,8 Mio. unner’n Hamer kamen.www.tctubantia.nl
Belege
Biller
Weblenken
Kategorie:Apostel Kategorie:Merteler Kategorie:Hilliger Kategorie:Mann Kategorie:Jodendom Kategorie:Christendom Kategorie:Person ut de Bibel Kategorie:Storven in dat 1. Johrhunnert